body
शिक्रापूर (शेरखान शेख): कोरेगाव भीमा (ता. शिरुर) येथील कल्याणी फोर्ज कंपनीत छताचे पत्रे बसवत असताना पत्रा तुटल्याने उंचावरुन पडून एका परप्रांतीय कामगाराचा जागीच मृत्यू झाल्याची घटना घडली असल्याने शिक्रापूर पोलीस स्टेशन येथे आकस्मात मृत्यूची नोंद करण्यात आली आहे.
कोरेगाव भीमा (ता. शिरुर) येथील कल्याणी फोर्ज कंपनीच्या शेडचे पत्रे दुरुस्त करण्याचे काम ओम एंटरप्रायजेस यांना देण्यात आलेले असल्याने ओम एंटरप्रायजेसचे कामगार मोहम्मद बिलाल, मोहम्मद नसीम व मोहम्मद हुसेन हे तिघे 8 जानेवारी रोजी सदर ठिकाणी उंचावरील पत्रे दुरुस्त करत नवीन पत्रे बसवण्याचे काम करत असताना साडेअकरा वाजण्याच्या सुमारास मोहम्मद नसीम यांच्या पायाखालील पत्रा तुटल्याने मोहम्मद नसीम हा तब्बल 35 फुट उंचीवरुन खाली पडल्याने जखमी झाला.
यावेळी कंपनीतील कामगारांनी जखमी मोहम्मद नसीम याला उचारासाठी सणसवाडी येथील खाजगी रुग्णालयात उपचारासाठी नेले असताना डॉक्टरांनी मोहम्मद नसीम मोहम्मद अमीन अन्सारी (वय २८) रा. सणसवाडी (ता. शिरुर) जि. पुणे मूळ रा. बडोखर ता. कोरांव जि. प्रयागराज उत्तरप्रदेश याचा उपचारापूर्वीच मृत्यू झाल्याचे जाहीर केले.
याबाबत मोहम्मद बिलाल मोहम्मद मीराबक्श (वय १९) रा. सणसवाडी (ता. शिरुर) जि. पुणे मूळ रा. बडोखर ता. कोरांव जि. प्रयागराज उत्तरप्रदेश यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस उपनिरीक्षक अविनाश थोरात हे करत आहे.
शिरूर (अरुणकुमार मोटे): शिरूर तालुक्यातील संविदणे गावात भरदिवसा झालेल्या धाडसी घरफोडीने परिसरात भीतीचे वातावरण निर्माण…
शिरूर (अरुणकुमार मोटे) : भारतात सायबर गुन्हेगारीने धोकादायक स्वरूप धारण केले असून, ऑनलाइन फसवणुकीतून उकळलेली…
शिरूर (अरुणकुमार मोटे) : शिरूर तालुक्याच्या पूर्व भागातील पिंपळसुटी येथे बुधवारी पहाटे घडलेल्या हृदयद्रावक घटनेने…
नीट पेपरफुटी, विद्यार्थ्यांवरील लाठीहल्ला आणि मुख्यमंत्र्यांच्या वक्तव्यावर काँग्रेसचा जोरदार पलटवार मुंबई: नीट प्रश्नपत्रिका फुटीच्या प्रकरणावरून…
ग्रामीण, आदिवासी व दुर्गम भागातील महाविद्यालयांना आर्थिक पाठबळ, शुल्कवाढ, मान्यता व कर्मचारी धोरणासह विविध मागण्यांवर…
शिरुर (तेजस फडके): शिरुर पोलिस ठाण्याच्या हद्दीत वाढत्या गुन्हेगारीमुळे पोलिसांच्या कार्यक्षमतेवर सातत्याने प्रश्नचिन्ह उपस्थित होत…