रुग्णवाहिका खड्ड्यात जोरात आदळली अन् मृतदेह झाला जिवंत…

नवी दिल्ली : एका व्यक्तीला डॉक्टरांनी मृत घोषित केल्यानंतर मृतदेह रुग्णवाहिकेतून घरी घेऊन जात असताना रुग्णवाहिका रस्त्यातील खड्ड्यात जोरात आदळली आणि मृत व्यक्ती जिवंत झाल्याचा दावा कुटुंबियांनी केला आहे.

दर्शन सिंह बराड यांना डॉक्टरांनी मृत घोषित केले होते. दर्शन सिंह यांचे कुटुंबिय मृतदेह घेऊन पटियालाहून कर्नालला त्यांच्या घरी घेऊन निघाले होते. त्यांच्या गावी अंत्यसंस्कार करण्यात येणार होते. गावात यासाठीची तयारीही झाली होती. मात्र, मृतदेह घेऊन जाणाऱ्या रुग्णवाहिकेचे चाक कॅथल ढांडजवळ एका खड्ड्यात अडकले आणि जोरात दणका बसला.

रुग्णवाहिकेत दर्शन सिंह यांच्या मृतदेहाजवळ त्यांचा नातू बसला होता. रुग्णवाहिकेला दणका बसल्यानंतर दर्शन सिंह यांचा हात हलवू लागला. शिवाय, हृदयाची धडधड जाणवताच रुग्णवाहिकेच्या चालकाला जवळच्या रुग्णलयात नेण्यास सांगितले. डॉक्टरांनी दर्शन सिंह यांना कर्नालमधील रुग्णलयात उपचारासाठी नेण्याचा सल्ला दिला. दर्शन सिंह यांची प्रकृती सध्या स्थिर आहे. दरम्यान, या घटनेला कुटुंबिय चमत्कार मानत असून आता ते लवकर बरे व्हावेत अशी प्रार्थना करत आहेत.

मानसिक आरोग्य उत्तम कसे राखावे यासाठी जाणून घ्या ५ फायदेशीर टिप्स

आमदाराची मुलगी म्हणाली, पप्पा, मी आंतरजातीय विवाह करणार पण तो गरीब आहे…

आश्चर्य! एक महिना अगोदरच मृत्यूची केलेली भविष्यवाणी ठरली तंतोतंत…