शिक्रापूर (शेरखान शेख): शिक्रापूर (ता. शिरुर) पोलीस स्टेशनच्या हद्दीमध्ये विनयभंग प्रकरणी गुन्हे दाखल असलेल्या आरोपीला शिरुर पोलीस स्टेशनच्या कोठडीत ठेवण्यासाठी नेले असताना पोलिसाच्या हाताला हिसका देऊन बेडीसह पळून गेलेल्या धनराज मधुकर डोंगरे शिक्रापूर पोलिसांच्या पथकाने बीड जिल्ह्यातून नुकतेच ताब्यात घेतले आहे.
शिक्रापूर (ता. शिरुर) येथील एका महिलेचे अश्लील चित्रीकरण करत महिलेला दमदाटी केल्याने महिलेच्या तक्रारी वरून शिक्रापूर पोलिसांनी ने २४ मार्च रोजी शिक्रापूर पोलिसांत तक्रार दिल्याने शिक्रापूर पोलिसांनी धनराज मधुकर डोंगरे (वय ३०) रा. चारदरी ता. धारूर जि. बीड याचेवर दाखल करत त्याला अटक केली होती. २४ मार्च रोजी रात्री उशिरा शिक्रापूर पोलिसांनी धनराज डोंगरे याला शिरुर पोलीस स्टेशन च्या कोठडीत ठेवण्यासाठी नेले असता शिरुर पोलीस स्टेशनच्या आवारात पोलीस कर्मचाऱ्याच्या हाताला झटका मारून धनराज डोंगरे हा हातातील बेडीसह पळून गेला होता.
दरम्यान शिरुर पोलीस स्टेशन येथे पुन्हा धनराज डोंगरे याचे विरुद्ध गुन्हा दाखल करण्यात आला. मात्र अटकेतील आरोपी पळून गेल्याने पोलीस दलात खळबळ उडालेले असताना शिक्रापूरचे पोलीस निरीक्षक प्रमोद शिरसागर यांच्या मार्गदर्शनाखाली पोलीस हवलदार श्रीमंत होनमाने, गणेश करपे, शिवाजी चितारे, अमोल दांडगे, निखिल रावडे, उद्धव भालेराव, जयराज देवकर, स्थानिक गुन्हे अन्वेषण विभागाचे राजू मोमीन यांनी सदर आरोपीचा शोध घेत बीड जिल्ह्यात गेले. अखेर आज सायंकाळच्या सुमारास बीड जिल्ह्यातील किल्ले धारूर गावामध्ये धनराज डोंगरे आला असता पोलिसांच्या पथकाने त्याला शिताफीने ताब्यात घेत त्याच्या जवळील बेडी देखील जप्त केली आहे. मात्र पोलिसांच्या हातावर तुरी देऊन पळालेल्या आरोपीला दोन दिवसात पुन्हा शिक्रापूर पोलिसांच्या पथकाने जेरबंद केल्याने शिक्रापूर पोलिसांचे परिसरातून कौतुक होत आहे.
धनराज डोंगरे हा २०२९ मध्ये कोठडीतूनच पळाला होता…
शिक्रापूर पोलिसांच्या हातावर तुरी देऊन पळून गेलेला आरोपी धनराज डोंगरे हा यापूर्वी बीड जिल्ह्यामध्ये बाल लैंगिक अत्याचार प्रकरणी दाखल झालेल्या गुन्ह्यामध्ये अटक असताना चक्क पोलीस कोठडीतूनच पळून गेला होता. मात्र त्यावेळी देखील दुसऱ्या दिवशी बीड पोलिसांनी त्याला ताब्यात घेतल्या होती, अशी माहिती देखील शिक्रापूर पोलिसांनी दिली आहे.
रांजणगाव गणपती (तेजस फडके) रांजणगाव औद्योगिक वसाहतीच्या कडेला असणाऱ्या रांजणगाव गणपती, ढोकसांगवी, सोनेसांगवी, कारेगाव, बाभुळसर…
हा प्रश्न अनेकांना पडला असेल. त्या प्रश्नाचं उत्तर या लेखात मिळेल. हिमोग्लोबिन, प्लाझ्माप्रमाणे प्लेटलेट्स हादेखील…
विजय वडेट्टीवारांचा सरकारवर घणाघात; “दोन दिवसांत दहा शेतकऱ्यांच्या आत्महत्या, सरकारला शेतकऱ्यांचे दुःख दिसत नाही का?”…
जीभचा रंग हा तुमच्या शरिराच्या स्थितीचा अंदाज सांगतो. पाहा काय आहे जीभेच्या रंगामागचं खरं कारण.…
न्हावरे (अक्षय टेमगिरे) : गुनाट ते शिंदोडी रस्त्यावर भरधाव आणि निष्काळजीपणे मोटारसायकल चालविणाऱ्या चालकाने सायकलवरुन…
मलठण (सुनिल जिते) : अष्टविनायक महामार्गावर भरधाव वेगाने वाहन चालविणे आणि ओव्हरटेक करण्याचा प्रयत्न दोन…