शिरुर (तेजस फडके) शिरुर तालुक्यातील आमदाबाद गावात जमीनीचा ताबा घेण्याच्या वादातुन एखाद्या दक्षिणात्य चित्रपटाचे कथानक शोभेल अशी सिनेस्टाईल हाणामारी झाली. न्यायालयात खटला प्रलंबित असलेल्या शेतीचा ताबा घेण्यासाठी जबरदस्तीने शेतात घुसून ट्रॅक्टरने पिके उध्वस्त केली गेली. तसेच विरोध करणाऱ्या शेतकऱ्याला आणि महिलांना बेदम मारहाण केल्याची धक्कादायक घटना घडली आहे.
या प्रकरणी शिरुर पोलीस ठाण्यात काशीनाथ भाकरे व त्याच्या साथीदारांविरोधात गुन्हा दाखल करण्यात आला आहे. याबाबत फिर्यादी अविनाश बापु जाधव (वय ५५, रा. आमदाबाद, ता. शिरुर) यांनी दिलेल्या फिर्यादीप्रमाणे गट क्र. १६२ मधील जमीन त्यांच्या वडिलांच्या नावावर असून त्याविषयी शिरुर न्यायालयात वाद चालु असुन ती बाब न्यायप्रविष्ट आहे. तरीसुद्धा १५ ऑक्टोबर रोजी दुपारच्या सुमारास काशीनाथ भाकरे हा दोन निळ्या व दोन लाल रंगाच्या नंबर प्लेट नसलेल्या ट्रॅक्टरसह काही इसमांना घेऊन त्यांच्या शेतात घुसला.
या ट्रॅक्टरनी भेंडी, मका, कांदा व गवत पिके नांगरुन टाकत शेतातली पाइपलाइनही उखडली. हे सर्व नुकसान पाहून जाधव यांनी विरोध केला असता, काशीनाथ भाकरे व त्याच्या साथीदारांनी त्यांच्यावर काठीने व हाताने हल्ला केला. एवढ्यावर न थांबता जाधव यांच्या पत्नी स्वाती जाधव व वहिनी चंद्रकला जाधव यांनाही काही महिलांकडुन मारहाण करण्यात आली.
या घटनेच्या वेळी १५ ते २० महिला व तब्बल १०० हुन अधिक पुरुषांचा जमाव शेतात उपस्थित होता. त्यांच्या तावडीतुन जाधव कुटुंब कसेबसे सुटले आणि त्यांनी तातडीने शिरुर पोलीस ठाण्यात धाव घेतली. पोलिसांनी सर्वांची वैद्यकीय तपासणी करत गुन्हा दाखल केला. या घटनेचा पुढील अधिक तपास सहायक फौजदार पी ए गायकवाड हे करत आहेत.
दादागिरी करणाऱ्यांवर कडक कारवाईची मागणी…
या घटनेने आमदाबाद गावासह पंचक्रोशीत संतापाची लाट उसळली असुन, या जमिनीबाबत न्यायालयीन वाद प्रलंबित असताना अशी ‘दादागिरी’ करण्याचे धाडस करणाऱ्या तसेच १५ ते २० महिला आणि १०० पुरुषांचा जमाव जमवुन दहशत करणाऱ्या व्यक्तींवर पोलिसांनी कठोर कारवाई करावी अशी मागणी स्थानिक ग्रामस्थांनी केली आहे.
शिरुर तालुक्यात कायदा अन सुव्यवस्था धोक्यात…
शिरुर तालुक्यातील निर्वी येथे काही दिवसांपुर्वीच जमिनीच्या वादातुन कोयत्याने हाणामारी झाल्याचा प्रकार घडला होता. त्यानंतर काहीच दिवसात आमदाबाद मध्ये तर १०० पुरुष आणि १५ ते २० स्त्रिया असा सुमारे १२० जणांनी जमाव जमवत दादागिरी अन दहशत माजवत ट्रॅक्टरच्या साह्याने उभे पिक जमीनदोस्त करत जमिनीचा ताबा घेण्याचा प्रयत्न करण्यात आला. त्यामुळे कायदा अन सुव्यवस्थेचे ‘तीन तेरा अन नऊ बारा’ वाजले असुन वरिष्ठ पोलिस अधिकारी फक्त ‘मलिदा’ खाण्यात व्यस्त आहेत अशी दबक्या आवाजात सगळीकडे चर्चा सुरु आहे.
Video; शिरुरमध्ये सुडाच्या राजकारणामुळे कार्यकर्त्यांचा संयम संपला; शेखर पाचुंदकर
Video; जीवंतपणी आशा तुटल्या, मृत्यूनंतरही उजेड नाही ‘दत्तक’ गावातील स्मशानभुमीची दुरावस्था
Video; घोडनदीवरील पुलाचा प्रश्न ऐरणीवर, चिंचणी–बोरी ग्रामस्थांचा जीव मुठीत घेऊन प्रवास
कर्जमाफी, ओबीसी आरक्षण आणि गोसीखुर्द कालवा दुर्घटनेवर सरकारला धारेवर धरले; ३ ऑगस्टपासून 'मंडल यात्रा'ची घोषणा.…
मुंबई: भायखळा येथील नूतनीकृत लोकशाहीर अण्णा भाऊ साठे नाट्यगृहाचे मुख्यमंत्री देवेंद्र फडणवीस यांच्या हस्ते लोकार्पण…
मुंबई: लोकशाहीर साहित्यरत्न अण्णाभाऊ साठे यांच्या नावाने नूतनीकरण व विस्तारीकरण करण्यात आलेल्या नाट्यगृहाचे लोकार्पण मुख्यमंत्री…
रांजणगाव गणपती (तेजस फडके): ता. शिरुर तालुक्यात असणाऱ्या रांजणगाव एमआयडीसीतील ब्रिटानिया कंपनीत माल पोहोचविण्यासाठी आलेल्या…
मुंबई: भारताच्या उज्ज्वल भविष्यासाठी शिक्षणव्यवस्था ही केवळ पदवी देणारी नसून विचारक्षम, कौशल्यसंपन्न आणि मूल्याधिष्ठित नागरिक…
पेपरफुटी ही केवळ कायद्याची किंवा प्रशासनाची समस्या नसून, ती लाखो विद्यार्थ्यांच्या स्वप्नांशी आणि देशाच्या भविष्यासोबत…