नागरिकांना हरकती-सूचना नोंदविण्याचे आवाहन
शिरूर (अरुणकुमार मोटे): शिरूर नगरपरिषदेच्या निवडणुकीची उलटी गणती सुरू झाली असून, नगरपरिषदेचे मुख्याधिकारी प्रीतम पाटील यांनी शिरूर नगर परिषदेची प्रारूप प्रभाग रचना जाहीर केली. या रचनेवर १८ ऑगस्ट ते ३१ ऑगस्ट २०२५ या कालावधीत नागरिकांकडून हरकती व सूचना मागविण्यात आल्या आहेत.
प्रभाग रचनेचे वेळापत्रक जाहीर करताना मुख्याधिकारी पाटील यांनी सांगितले की, प्रारूप प्रभाग रचना नगरपरिषद कार्यालयातील नोटीस बोर्डवर तसेच नगरपरिषदच्या अधिकृत संकेतस्थळावर उपलब्ध करून देण्यात आली आहे. इच्छुक नागरिकांनी आपल्या हरकती/सूचना लेखी स्वरूपात आवक-जावक विभागामध्ये सादर कराव्यात. हरकती नोंदवणाऱ्या नागरिकांना स्वतंत्रपणे सुनावणीसाठी वेळ देऊन त्यांचे म्हणणे ऐकून घेण्यात येईल, मात्र ३१ ऑगस्टनंतर आलेल्या अर्जाचा विचार होणार नाही.
मागील पंचवार्षिक निवडणुकीत २१ नगरसेवक निवडले गेले होते. यंदा ३ जागांची वाढ करण्यात आली असून, एकूण २४ नगरसेवकांची निवड होणार आहे. त्यासाठी १२ प्रभागांची रचना जाहीर करण्यात आली आहे. प्रत्येक प्रभागातून दोन नगरसेवक निवडून दिले जाणार आहेत.
प्रभाग रचना कायम झाल्यानंतर याच प्रभागांवर आरक्षणाची सोडत काढली जाणार आहे. या सोडतीत सर्वसाधारण, ओबीसी, अनुसूचित जाती-जमाती तसेच महिलांसाठीचे आरक्षण निश्चित केले जाईल.
निवडणुकीच्या प्रतिक्षेत असलेल्या अनेक इच्छुकांनी नगरपरिषदेच्या परिसरात चळवळ सुरू केली आहे. आगामी निवडणुकीत कोणत्या प्रभागात कोणते आरक्षण लागणार याकडे सर्वांचे लक्ष लागले आहे.
शिरूर नगर परिषदेतील संभाव्य प्रभाग रचनेचा नकाशा आणि माहितीपत्रक नागरिकांच्या अवलोकनासाठी लावण्यात आले आहे. नागरिकांनी या रचनेचा अभ्यास करून, काही त्रुटी अथवा दोष असल्यास ३१ ऑगस्टपूर्वी लेखी हरकती व सूचना सादर कराव्यात, असे आवाहन नगरपरिषद मुख्याधिकारी प्रीतम पाटील यांनी केले आहे.
शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…
तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…
संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…
पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…
SIR प्रक्रियेवरून निवडणूक आयोगावर हर्षवर्धन सपकाळांचा हल्लाबोल; पात्र मतदारांची नावे वगळू नका, BLA प्रतिनिधींना दिला…
शिक्रापूर (तेजस फडके): सणसवाडी (ता. शिरुर) औद्योगिक वसाहतीमध्ये कामगारांच्या सुरक्षेचा प्रश्न पुन्हा एकदा ऐरणीवर आला…