शिरुर (तेजस फडके): शिरुर शहरासह परिसरात वाढत्या दुचाकी चोरीच्या घटनांना आळा घालण्यासाठी शिरुर पोलिसांनी कारवाईचा धडाका सुरु केला असुन पेट्रोलिंग व तांत्रिक तपासाच्या आधारे एका सराईत मोटारसायकल चोराला जेरबंद करण्यात पोलिसांना यश आले आहे. आरोपीच्या चौकशीत शिरुर पोलीस ठाण्याच्या हद्दीतील तब्बल सहा मोटारसायकल चोरीचे गुन्हे उघडकीस आले आहेत. कृष्णा उमेश आंतरकर (वय २६, रा. पाथर्डी, ता. पाथर्डी, जि. अहिल्यानगर) असे आरोपीचे नाव आहे.
दि ५ ऑगस्ट २०२६ रोजी सायंकाळी पाचच्या सुमारास शिरुर शहरातील बी. जे. कॉर्नर येथील विद्याधाम प्रशालेच्या कंपाउंडजवळ हँडल लॉक करुन उभी केलेली स्प्लेंडर मोटारसायकल क्र. एमएच १२ एनजी ७५३९ अज्ञात चोरट्याने चोरुन नेली होती. याप्रकरणी शिरुर पोलीस ठाण्यात गुन्हा दाखल करण्यात आला होता.
शिरुर शहर व परिसरात मोटारसायकल चोरीचे वाढते प्रमाण लक्षात घेऊन पोलीस निरीक्षक विनोद पाटील यांनी डी.बी. पथकाला चोरीस गेलेल्या दुचाकींसह अज्ञात चोरट्यांचा शोध घेण्याचे आदेश दिले. त्यानुसार पोलिसांनी परिसरातील सीसीटीव्ही फुटेज तपासण्यास सुरुवात केली. तांत्रिक विश्लेषण, सीसीटीव्ही फुटेज आणि गोपनीय माहितीच्या आधारे या चोरीमध्ये कृष्णा आंतरकर याचा सहभाग असल्याचा संशय पोलिसांना आला.
दरम्यान, संशयित आरोपी शिरुर बाजारपेठ परिसरात येणार असल्याची माहिती पोलीस अंमलदार नितेश थोरात यांना मिळाली. माहितीची खातरजमा झाल्यानंतर पोलीस निरीक्षक विनोद पाटील यांच्या सुचनेनुसार पोलीस उपनिरीक्षक शुभम चव्हाण, नितेश थोरात, अंबादास थोरे, दादाराव नागरे व विजय शिंदे यांच्या पथकाने शिरुर बाजारपेठ परिसरात सापळा रचला. यावेळी कृष्णा आंतरकर याला ताब्यात घेण्यात आले
पोलिसांनी केलेल्या चौकशीत आरोपीने बी. जे. कॉर्नर परिसरातील मोटारसायकल चोरीची कबुली दिली. त्यानंतर पोलीस कोठडीत अधिक तपास केला असता त्याने शिरुर पोलीस ठाण्याच्या हद्दीत आणखी पाच ठिकाणांहून मोटारसायकली चोरल्याचे निष्पन्न झाले. आरोपीच्या चौकशीत शिरुर पोलीस ठाण्यातील एकुण सहा गुन्हे उघडकीस आले आहेत.
विशेष म्हणजे आरोपी कृष्णा आंतरकर याच्याविरुद्ध यापुर्वीही बीड जिल्ह्यात मोटारसायकल चोरीचे चार गुन्हे दाखल असल्याची माहिती पोलिसांनी दिली आहे. त्यामुळे त्याची गुन्हेगारी पार्श्वभुमीही समोर आली आहे. आरोपीला शिरुर न्यायालयात हजर केले असता त्याला शुक्रवार दि. ७ ऑगस्ट २०२६ रोजी न्यायालयाने त्याची न्यायालयीन कोठडीत रवानगी केली.
हि कारवाई पोलीस अधीक्षक संदीप सिंह गिल, अपर पोलीस अधीक्षक डॉ. शुभम कुमार, उपविभागीय पोलीस अधिकारी रविंद्र भोसले आणि पोलीस निरीक्षक विनोद पाटील यांच्या मार्गदर्शनाखाली करण्यात आली. या कारवाईत पोलीस उपनिरीक्षक शुभम चव्हाण, सहायक पोलीस उपनिरीक्षक राजेंद्र चव्हाण, गणेश देशमाने तसेच नितेश थोरात, अंबादास थोरे, दादाराव नागरे, विजय शिंदे, निरज पिसाळ, सचिन भोई, निखील रावडे, अजय पाटील आणि वैभव शेलार यांच्या डी.बी. पथकाने सहभाग घेतला.
शिक्रापूर (अक्षय टेमगिरे) : दिवाळी म्हटले की खरेदीसाठी बाजारपेठांमध्ये होणारी गर्दी आणि नगर-पुणे महामार्गावरील वाहतूक…
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…