mauli katke
शिरुर (तेजस फडके) शिरुर-हवेली विधानसभा मतदारसंघाची जागा राष्ट्रवादी कांग्रेसकडे असल्याने या मतदारसंघातुन खुद्द उपमुख्यमंत्री अजित पवार निवडणुक लढविणार असल्याचे सांगितले जात होते. मात्र अजित पवार आपल्या बारामती मतदारसंघातूनच रिंगणात उतरणार असल्याचे स्पष्ट झाले आहे. तर शिरुर-हवेलीत उमेदवार देताना इलेक्टीव्ह मेरीट पाहूनच उमेदवारी दिली जाणार असल्याचे पवार यांनी स्पष्ट केल्याने या मतदारसंघातून महायुतीकडून प्रबळ दावेदार असलेले ज्ञानेश्वर कटके यांची उमेदवारी महायुतीकडून जवळपास निश्चित मानली जात आहे. तर महायुतीमधील अन्य घटक पक्षांकडूनही कटके यांच्या नावाला पसंती देण्यात आली आहे.
सध्या राज्यात विधानसभा निवडणुकीचे बिगुल वाजले आहे. शिरुर-हवेली विधानसभा मतदारसंघात राष्ट्रवादी काँग्रेस शरदचंद्र पवार पक्षाकडुन विद्यमान आमदार अशोक पवार यांना उमेदवारी दिली जाणार असल्याने त्यांच्या तोडीस तोड किंबहुना विजयी होणाऱ्यालाच उमेदवारी देण्याबाबत अजित पवार ठाम आहेत. लोकसभेच्या प्रचारादरम्यान शिरुर तालुक्यात प्रचारा दरम्यान उपमुख्यमंत्री अजित पवार यांनी भर सभेत तू कसा आमदार होतो, असा थेट इशारा आमदार अशोक पवार यांना दिला होता. अजित पवार यांनी दिलेले हे आव्हान पूर्णत्वास नेण्यासाठी ज्ञानेश्वर कटके यांच्याकडे पाहिले जात आहे.
महायुतीकडून शिरुर-हवेली विधानसभा मतदारसंघात करण्यात आलेल्या सर्वेक्षणनुसार भाजपा, शिवसेना (शिंदे गट), राष्ट्रवादी पक्ष (अजित पवार गट) या तीनही पक्षाकडून ज्ञानेश्वर कटके यांच्या बाजूनेच जनतेचा कौल असल्याचे समोर आल्याने महायुतीमध्ये उमेदवारीसाठी कटके यांना विविध माध्यमातून संपर्क करुन गळ घालण्याचा प्रयत्न होत आहे. महायुतीमधील भाजपा तसेच शिवसेना शिंदे गटाकडूनही कटके यांच्या नावाला प्राधान्य देण्यात आले आहे.
त्यामुळे अजितदादा गटाकडून दिलेला शब्द पुर्ण करण्यासाठी तसेच शिरुर-हवेलीचा विकास घडवण्यासाठी सामान्यातील सामान्य एकमेव चेहरा म्हणून जनतेकडून ज्ञानेश्वर कटके यांच्याकडे पाहिले जात आहे याच कारणास्तव महायुतीकडून एकमताने कटके यांना मैदानात उतरवण्याची जोरदार तयारी सुरु असल्याची माहिती खात्रीलायक सूत्रांनी दिली आहे.
निमोणे येथे अनधिकृत पुतळा बसविल्याप्रकरणी २ माजी सरपंचांसह १५ जणांवर गुन्हा दाखल
शिरुर-हवेलीत कसा जमणार सत्तेचा खेळ…? आचारसंहिता जाहीर झाली तरीही महायुतीचा अजुनही नाही मेळ
निमोणे येथील छत्रपती शिवाजी महाराजांच्या पुतळ्याचा वाद अखेर मिटला, सामंजस्याने ग्रामसभेत निर्णय
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…