शिरुर तालुक्यात महिलेला जातीवाचक शिवीगाळ करत जीवे मारण्याची धमकी देत केला बलात्कार

शिरुर: शिरुर तालुक्यात एका मागासवर्गीय महिलेसोबत तिच्या इच्छेविरुद्ध जबरदस्तीने शारीरिक संबंध ठेऊन तसेच घडलेला प्रकार जर कोणाला सांगितला तर जीवे मारण्याची धमकी देत जातीवाचक शिवीगाळ केल्याप्रकरणी रमेश बापुराव काळे (वय 46) (रा. निमोणे, ता. शिरुर, जि. पुणे) याच्या वर रांजणगाव MIDC पोलिस ठाण्यात अनुसूचित जाती जमाती कायद्या अंतर्गत अट्रॅसिटी तसेच बलात्काराचा गुन्हा दाखल झाला आहे.

याबाबत रांजणगाव MIDC पोलिसांनी दिलेल्या माहितीनुसार आरोपीने फिर्यादीच्या घरी जाऊन बळजबरीने तिच्याशी शारीरिक संबंध प्रस्थापित करुन हा प्रकार कोणाला सांगितल्यास जीवे मारण्याची धमकी देत जातीवाचक शिवीगाळ केली. त्यानंतर पीडितेने रांजणगाव MIDC पोलिस स्टेशन येथे फिर्याद दिल्याने पोलिसांनी आरोपीला तातडीने अटक केली आहे. पुढील तपास शिरुरचे उपविभागीय अधिकारी यशवंत गवारी करत आहेत.