सामाजिक कार्यकर्ते महेश साबळे यांची जिल्हाधिकाऱ्यांकडे मागणी
शिक्रापूर (शेरखान शेख): करंदी (ता. शिरुर) ग्रामपंचायत मध्ये सरपंच व ग्रामविकास अधिकाऱ्यांच्या संगनमताने मोठ्या प्रमाणात गैरकारभार झाल्याचे माहिती अधिकारात उघड झालेले असून सदर गैरकारभाराची चौकशी करत ग्रामविकास अधिकाऱ्यांना सक्तीच्या रजेवर पाठवून चौकशी अहवाल येई पर्यंत प्रशासकाची नेमणूक करुन दोषींवर कारवाई करावी, अशी मागणी सामाजिक कार्यकर्ते महेश साबळे पाटील यांनी जिल्हाधिकाऱ्यांकडे सहाशे पानांचे पुरावे व निवेदन देत केली आहे.
करंदी (ता. शिरुर) ग्रामपंचायत मध्ये ग्रामपंचायत कर्मचारी शासकीय कार्यालयातील कामाव्यतिरिक्त बाहेरगावी जाणे त्याबाबत भत्ता देणे, ग्रामपंचायत लेटर पॅड बिलांमध्ये मोठी तफावत, नळ पाणीपुरवठा योजनेतील दुरुस्तीमध्ये लाखोंचा खर्च, गावामध्ये अधिकृत स्ट्रीट लाईट पेक्षा लाईटच्या संख्येपेक्षा दुपटीने बल्प बदलण्याचा खर्च, गावामध्ये झाडे लावण्यासह मुरुमीकरण करण्यासाठी लाखोंचा खर्च, अद्याप पर्यंत कोणत्याही ग्रामपंचायत कर्मचाऱ्याने सुट्टी न घेतल्याचे त्यांच्या पगारातील बिलातून दिसत आहे.
गावामध्ये गावच्या सुरक्षिततेच्या हेतूने आवश्यक ग्राम सुरक्षा यंत्रणा ग्रामपंचायत खात्यात पैसे असताना देखील सुरु केलेली नाही, ग्रामपंचायत ने दिलेल्या काही दाखले तसेच नोटीस वर जावक क्रमांक नाही. ग्रामस्थांना काही नोटीस साध्या कागदावर बजावण्यात आलेल्या असून काही दाखल्यांवर ग्रामविकास अधिकारी तर काही दाखल्यांवर सरपंच यांची सही देखील नाही. त्यामुळे विना नोंद काही दाखले ग्रामपंचायत कडून गेल्याचे उघड होत आहे.
यापूर्वी काही ग्रामस्थांनी अतिक्रमण बाबत तक्रारी करुन देखील ग्रामपंचायत प्रशासनाने स्वतःच्या स्वार्थासाठी त्यावर कोणतीही कार्यवाही केली नाही, यांसह आर्थिक व्यवहाराच्या घटना मोठ्या प्रमाणात ग्रामपंचायत मध्ये घडलेल्या असून जनतेच्या पैशाचा मोठा भ्रष्टाचार होत असल्याने सदर ग्रामपंचायतच्या कारभाराची व सदर प्रकाराची उच्चस्तरीय चौकशी करुन सदर चौकशी पूर्ण होईपर्यंत ग्रामविकास अधिकारी यांना सत्तेचा रजेवर पाठवावे आणि ग्रामपंचायत दप्तराची तसेच कारभाराची चौकशी करुन चौकशी अहवाल येईपर्यंत ग्रामपंचायतवर प्रशासकाची नेमणूक करुन दोषींवर कायदेशीर व कठोर कारवाई करावी अशी मागणी सामाजिक कार्यकर्ते महेश साबळे पाटील यांनी पुणे जिल्हाधिकारी डॉ. राजेश देशमुख यांना तब्बल 600 पानांचे पुरावे आणि लेखी निवेदन देत केली आहे.
शिरुर (तेजस फडके) चिंचणी (ता. शिरुर) शिरूर आणि श्रीगोंदा तालुक्यातील शेतीसाठी जीवनदायिनी ठरलेल्या चिंचणी (ता.…
पिंपरी-चिंचवड : वाढत्या पिंपरी-चिंचवड शहराच्या सुरक्षिततेचा पाया अधिक मजबूत करण्यासाठी पोलीस दलाच्या आधुनिकीकरणाला राज्य सरकारने…
थोरात, हंडोरे, नसीम खान यांच्यासह चौघांची समिती; तीन आठवड्यांत अहवाल सादर होणार मुंबई: नागपूर पदवीधर,…
मुंबई: महाराष्ट्रात काँग्रेस पक्षाचे संघटन अधिक मजबूत करण्यासाठी प्रदेश नेतृत्वाने आता नियोजनबद्ध पावले उचलण्यास सुरुवात…
शिरूर (अरुणकुमार मोटे): मलठण (ता. शिरूर) येथील मलठण-शिक्रापूर रस्त्यावरील एकनाथ दंडवते यांच्या घरावर रात्री सुमारे…
अनेक वेळा रक्ताच्या कमतरतेमुळे थकवा येणे, अशक्तपणा, त्वचा पिवळी पडणे, हात-पाय सुजणे इत्यादी एनिमियाचे लक्षण…