रांजणगाव गणपती येथे मातृ-पितृ कृतज्ञता व अभिष्टचिंतन सोहळा

शिरुर (तेजस फडके): रांजणगाव गणपती येथे उद्या (दि 16) रोजी पवार कुटुंबियांच्या वतीने सुखकर्ता लॉन्स येथे मातृ-पितृ कृतज्ञता व अभिष्टचिंतन सोहळ्याचे आयोजन करण्यात आले असुन त्यानिमित्त समाजप्रबोधनकार ह भ प निवृत्ती महाराज देशमुख यांच्या किर्तनाचे दुपारी 11 ते 1 च्या दरम्यान आयोजन करण्यात आले आहे.

रांजणगाव गणपती येथील प्रसिद्ध गाडामालक पवार कुटुंबातील बबनराव धोंडिबा पवार आणि झुंबराबाई बबनराव पवार, तुकाराम धोंडिबा पवार व नंदाबाई तुकाराम पवार, तसेच विठ्ठल धोंडिबा पवार व मंगल विठ्ठल पवार या तीन जोडप्यांचा त्यांच्या कुटुंबीयांच्या वतीने कृतज्ञता व अभिष्टचिंतन सोहळ्याचे आयोजन करण्यात आले आहे. तसेच याच कुटुंबातील कन्या पुजा विठ्ठल पवार-सासवडे यांची नुकतीच DYSP पदी नियुक्ती झाली असुन यांचाही सत्कार पवार कुटुंबीयांच्या वतीने करण्यात येणार आहे. या कार्यक्रमाला शिरुर,आंबेगाव तालुक्यातील अनेक मान्यवर उपस्थित राहणार असल्याची माहिती उद्योजक शरद पवार यांनी दिली.