रांजणगाव पोलिसांची कारेगाव येथील यश इन चौकात गुटख्यावर कारवाई

कारेगाव (तेजस फडके) कारेगाव येथील यश इन चौकात चारचाकी गाडीत गुटखा विक्रीसाठी आलेल्या एका कार चालक कारवाई दरम्यान पळुन गेला होता. परंतु रांजणगाव पोलिसांनी त्याच्यावर कारवाई करत कारसह गुटखा ताब्यात घेतला असुन यामध्ये रांजणगाव पोलिसांनी ९ लाखांच्या चारचाकी कारसह ९ हजार रुपयांचा गुटखा पकडला आहे.

 

शेखर भगवान अभंग (वय २५), रा. मंगलमुर्ती शाळेजवळ, रांजणगाव गणपती, ता. शिरुर, जि. पुणे असे आरोपीचे नाव असुन याबाबत शिरुर उपविभागीय पोलीस अधिकारी कार्यालयातील (DYSP Office) पोलिस कॉन्स्टेबल प्रकाश बाबासाहेब झेंडे यांनी रांजणगाव एम आय डी सी पोलिस स्टेशन (Ranjangaon MIDC Police Steshan) येथे फिर्याद दाखल केली आहे.

 

रांजणगाव पोलिसांनी दिलेल्या माहितीनुसार दि ३१ मार्च २०२५ रोजी १०:४५ च्या सुमारास कारेगाव (ता. शिरुर जि. पुणे) गावच्या हद्दीत अहिल्यानगर ते पुणे हायवे रोडच्या कडेला सोपानराव वडेवाले हॉटेलच्या समोर फरार आरोपी हा विना नंबरची नवीन टाटा कंपनीची पंच हि चारचाकी कार घेऊन उभा असल्याची गोपनीय माहिती शिरुर उपविभागीय पोलीस अधिकारी कार्यालयातील पोलिस कॉन्स्टेबल प्रकाश झेंडे यांना मिळाली. याबाबत त्यांनी रांजणगाव पोलिसांना कळवले. त्यानंतर प्रकाश झेंडे आणि रांजणगाव पोलिस हे सदर चारचाकी गाडीजवळ कारवाई जात असताना आरोपीने गाडी जाग्यावरच सोडुन पळ काढला.

 

त्यानंतर पोलिसांनी ९ लाखांच्या टाटा कंपनीच्या पंच मॉडेलच्या विना नंबरची चारचाकी कार तसेच ९ हजारांच्या गुटख्यासह एकुण ९ लाख ९ हजारांचा माल जप्त केला असुन कारवाई दरम्यान पळुन गेलेला आरोपी शेखर भगवान अभंग याच्यावर पोलिसांनी कारवाई केली आहे. रांजणगाव एमआयडीसी पोलिस स्टेशनचे (Ranjangaon MIDC Police Steshan) पोलिस निरीक्षक महादेव वाघमोडे यांच्या मार्गदर्शनाखाली पोलिस हवालदार गणेश आगलावे हे पुढील तपास करत आहेत.

त्या बहुचर्चित खुण प्रकरणातील दोषी आधिकारी, कर्मचाऱ्यांवर कधी होणार कारवाई ?

त्या बहुचर्चित खुनाचा व्हिसेराच तब्बल आठ महिन्याने प्रयोगशाळेत जमा; वरिष्ठांच्या कारवाईकडे नागरिकांचे लक्ष