bhumi-abhilekh-shirur
शिरूर : शिरूर भूमि अभिलेख विभागाकडून एका वृद्ध महिलेला सातत्याने जाणीवपूर्वक त्रास देण्याचा प्रकार उघड झाला आहे. गावगुंड आणि सरकारी अधिकाऱ्यांच्या त्रासाला कंटाळेल्या वृद्ध महिलेने राष्ट्रपती, पंतप्रधान, मुख्यमंत्री व पुणे ग्रामीण अधिक्षक यांच्याकडे तक्रार करण्याचा निर्णय घेतला आहे. संबंधित वृद्ध महिलेची खाजगी जमिन लुटण्याचाच हा एक प्रकार असून, संगनमताने त्रास दिला जात असल्याचे महिलेने तक्रारीत म्हटले आहे. या घटनेमुळे शिरूर भूमि अभिलेख विभागाचा काळा कारभार समोर आला आहे.
शिरूर तालुक्यातील आमदाबाद येथे श्रीमती सुवर्णा रविंद्र पवार (वय 68) यांची स्वःताची मालकिची आणि वहिवाटीची शेत जमिन आहे. संबंधित जागेचा सातबारा त्यांच्या नावावर आहे. परंतु, गेल्या काही वर्षांपासून त्यांची जागा काही व्यक्तींकडून परस्पर बळकावण्याचा प्रयत्न केला जात आहे. गटविकास अधिकारी आणि भूमि अभिलेख विभाग यामध्ये गावगुंडाना साथ देत असल्याचे कागदपत्रांवरून समोर आले आहे. राज्यात जमिन बळकावण्याचे प्रकार घडत असतानाच शिरूर तालुक्यातही असाच प्रकार उघड झाल्याने परिसरात खळबळ उडाली आहे.
शिरूर भूमि अभिलेख विभागाने श्रीमती सुवर्णा रविंद्र पवार यांना कोणतीही पूर्णकल्पना अथवा नोटीस न देता परस्पर जमिनीची मोजणी केली. जमिनीची मोजणी केली जात असताना सरकारी महिला अधिकारी मोटारीमध्ये तर खासगी मोजणी करणारी व्यक्ती मोजणी करत होता. खाजगी मोजणी करणाऱ्या व्यक्तीच्या सांगण्यावरून एकतर्फी हद्दीखुना दाखवून बेकायदेशीर पोल रोवले आहेत. या प्रकारामुळे मोठा मानिसक धक्का बसला आहे. माझ्या कुटुंबाबाबत यापूर्वीही असाच प्रकार घडला आहे, असे श्रीमती सुवर्णा रविंद्र पवार यांनी सांगितले. शिरूर भूमि अभिलेख विभागाचे उप अधीक्षक अमोल भोसले यांना घडलेल्या प्रकाराबाबत समक्ष भेटून सांगितल्यानंतर त्यांनी झालेली चुक मान्य केली आहे.
भूमि अभिलेख विभागाच्या कामाचा अनुभव असलेले तज्ज्ञ संजय काळे म्हणाले, ‘शिरूर भूमि अभिलेख विभागाची ही गंभीर चूक आहे. यामध्ये सहभागी असणाऱ्यांवर तत्काळ कायदेशीर आणि फौजदारी गुन्हे दाखल केले पाहिजेत. वारंवार असा प्रकार का घडत आहे, याबाबत सुध्दा चौकशी करणे जरुरीचे आहे. संबंधित अधिकाऱ्यांमुळे एखाद्या कुटुंबाला नाहक त्रासाला सामोरे जावे लागत आहे. यामध्ये वरिष्ठांनी लक्ष घालण्याची गरज आहे. अन्यथा, सर्वसामान्य नागिरकांच्या जमिनी परस्पर दुसऱ्यांच्या नावावर केल्या जातील. भूमि अभिलेखमधील हा एक मोठा रॅकेटचाच प्रकार आहे.’
(क्रमशाः)
खासगी गाडीवर ‘महाराष्ट्र शासन’ पाटी; शिरूरचे भूमिअभिलेख उपअधीक्षक चर्चेत
शिरूर भूमिअभिलेख कार्यालयाची उल्लेखनीय कामगिरी, विभागात तृतीय क्रमांक
पाचपैकी तीन जागांवर विरोधकांचा विजय; ईव्हीएमचे समर्थन करणाऱ्या राजकीय प्रचारकांनी बॅलेट पेपरच्या निकालाचेही करावे विश्लेषण…
मुंबई: ज्येष्ठ पत्रकार आणि राजकीय विश्लेषक प्रताप आसबे यांच्या निधनाने महाराष्ट्राच्या राजकारणाचा सखोल अभ्यास असलेले ज्येष्ठ…
न्हावरे (अक्षय टेमगिरे): नागरगाव चौफुला ते शिरुर रस्त्यावर हॉटेल कुलस्वामिनीच्या जवळ अज्ञात चारचाकी वाहनाने दुचाकीला…
शिरुर (तेजस फडके) शिरुर तालुक्यातील गोलेगाव येथे विजेच्या खांबावर काम करत असताना उच्चदाब विद्युत वाहिनीचा…
शिरुर (तेजस फडके) शिरुर शहरातील जोशीवाडी परिसरात भरदिवसा घरफोडी करुन अज्ञात चोरट्याने रोख रकमेसह सोन्या-चांदीचे…
रांजणगाव गणपती (तेजस फडके) रस्त्याच्या मध्यभागी उभी केलेली दुचाकी बाजूला घेण्यास सांगितल्याच्या कारणावरुन काही गुंड…