शिरुर (तेजस फडके): रांजणगाव MIDC तील रांजणगाव औद्योगिक वसाहतीत फ्रेसोनिअस काबी कंपनीत मानवी हक्काचे उल्लंघन होत असल्याने या कंपनी व्यवस्थापनाच्या विरोधात शिरुर तहसील कार्यालयासमोर सोमनाथ भगत यांनी न्याय मिळण्यासाठी आमरण उपोषणाला सुरुवात केली होती. त्यांच्या उपोषणाला भीम आर्मी भारत एकता मिशनच्या वतीने जाहीर पाठिंबा दिला होता. तसेच या उपोषणाला तालुक्यातील अनेक राजकीय पाठिंबा दिला होता. पुणे येथील सहायक कामगार आयुक्त एम ए मुजावर यांनी कामागारांच्या मागण्या, अटी मान्य केल्याने हे उपोषण थांबविण्यात आले आहे.
शनिवार (दि 10) पासुन सोमनाथ भगत यांनी शिरुर तहसीलदार कार्यालयासमोर आमरण उपोषणाला सुरवात केली होती. सोमनाथ भगत कंपनीचे इतर कर्मचारी हे भारत एकता मिशन यांच्या भीम आर्मीचे सदस्य असल्याने भीम आर्मीचे महाराष्ट्र प्रदेशाध्यक्ष सिताराम गंगावणे, पुणे जिल्हा उपाध्यक्ष रियाज शेख, शिरुर तालुका प्रभारी संदिप शेलार, शिरुर तालुकाध्यक्ष अजित नरवडे, शिरुर तालुका महिलाध्यक्ष दिपिका भालेराव, महिला नेत्या मंजुषा कुलकर्णी तसेच अनेक कार्यकर्त्यांनी या उपोषणास पाठिंबा दर्शवला होता.
शिरुरचे पोलिस निरीक्षक सुरेशकुमार राऊत, नायब तहसीलदार स्नेहा गिरीगोसावी यांनी या आंदोलकांची भेट घेत कामगार आयुक्त यांच्याशी याबाबत पाठपुरावा केला होता. तसेच जनता दलाचे प्रदेशाध्यक्ष नाथा शेवाळे, मानव विकास परीषदेचे प्रदेशाध्यक्ष संदीप कुटे, ठाकरे गट युवासेनेचे जिल्हाध्यक्ष संदीप शिंदे, ठाकरे गटाचे तालुकाप्रमुख पोपट शेलार, उपतालुका प्रमुख अनिल पवार आदी विविध पक्षाच्या राजकीय नेत्यांनीही उपोषण करणाऱ्या कामगारांची भेट घेऊन पाठिंबा दिला होता.
त्याच अनुषंगाने सोमनाथ भगत यांच्या उपोषणाची तातडीने दखल घेत सहायक कामगार आयुक्त एम ए मुजावर यांनी कामागारांच्या मागण्या व अटी मान्य केल्या असल्याने आज हे उपोषण सोडण्यात आले. यावेळी पोलिस निरीक्षक सुरेशकुमार राऊत, भीम आर्मीचे महाराष्ट्र प्रदेशाध्यक्ष सिताराम गंगावणे, शिरूर तालुका प्रभारी संदिप शेलार, शिरूर तालुकाध्यक्ष दिपिका भालेराव, महिला नेत्या मंजुषा कुलकर्णी, मानव विकास परीषदेचे महाराष्ट्र प्रदेशाध्यक्ष संदीप कुटे आदी उपस्थित होते.
शिरूर (अरुणकुमार मोटे): मलठण (ता. शिरूर) येथील मलठण-शिक्रापूर रस्त्यावरील एकनाथ दंडवते यांच्या घरावर रात्री सुमारे…
अनेक वेळा रक्ताच्या कमतरतेमुळे थकवा येणे, अशक्तपणा, त्वचा पिवळी पडणे, हात-पाय सुजणे इत्यादी एनिमियाचे लक्षण…
फळं खाण्यापेक्षा फळांचा रस पिणं हे जास्त आरोग्यदायी आहे. फळांचा रस घेतल्यानं वजन कमी होतं.…
शीतपित्ताच्या त्रासात अंगावर खाज सुटते व त्वचेवर पित्ताच्या लालसर गांधी व पुरळ उठतात. त्या पित्ताच्या…
‘वोट बचाओ, देश बचाओ’ महारॅलीचा भाजपाने घेतला धसका; मोदी-शाहांच्या सत्तेला हादरे बसत असल्याचा काँग्रेस प्रदेशाध्यक्षांचा…
सुनेत्रा पवारांना डावलल्याच्या बातम्या फेटाळल्या! मुंबई: राष्ट्रवादी काँग्रेस पक्षातील अंतर्गत मतभेद आणि नेतृत्वातील समन्वयाच्या चर्चांना…