त्या बहुचर्चित खुण प्रकरणातील दोषी आधिकारी, कर्मचाऱ्यांवर कधी होणार कारवाई ?

शिरूर (अरुणकुमार मोटे): शिक्रापूर येथील बेवारस प्रेत सापडलेल्या बहुचर्चित खुण प्रकरणी पुराव्याअभावी व विलंबामुळे पाचपैकी चार आरोपींचा जामीन दोन महीन्यातच सत्र न्यायालय पुणे यांच्याकडून मंजूर झाला आहे. हा खुनाचा गुन्हा खत्री पोलिस हवालदाराने तक्रार करुन मीडीयाने आवाज उठवून उजेडात आणल्यानंतर गुन्हा घडल्यापासून तब्बल १० महीन्यांनी उघड झाला होता. तोपर्यंत गुन्हयातील पुरावे बऱ्यापैकी नष्ट झाले होते.

याप्रकरणी अद्यापपर्यंत पोलिस अधिक्षक पंकज देशमुख यांची भुमिका गुलदस्त्यात आहे. शिक्रापूर पोलीस स्टेशन मधील अधिकाऱ्यांना याप्रकरणी पाठीशी घातल्याची चर्चा नागरिकांमध्ये होत आहे. गुन्हा दाखल होऊन दोन महिने झाले तरीही या प्रकरणी दोषी आधिकारी, कर्मचाऱ्यांवर कोणतीही कार्यवाही अद्याप पर्यंत झाली नाही. शिरूर पोलीस स्टेशन हद्दीमध्ये माजी सैनिकाच्या आर्थिक फसवणुक प्रकरणी आरोपींना मदत केल्याने एका सहाय्यक पोलीस निरीक्षकाला पोलीस अधीक्षक पंकज देशमुख यांनी तातडीने निलंबित केले आहे. मग शिक्रापूर पोलिस अधिकारी, कर्मचारी यांच्यावर मेहरबानी का असा सवाल आता उपस्थित होत आहे.

हा खून पचवण्याचा प्रयत्न शिक्रापूर येथील अधिकारी व कर्मचाऱ्यांनी यांनी केला होता . मात्र हा डाव गजानन खत्री पोलीस हवालदाराने हाणून पाडला असून दोषी अधिकारी ,कर्मचारी मात्र मोकाट फिरत आहे. सदर खुण पचविण्यामागे वरिष्ठांचा तर सहभाग नाही ना, त्यामुळे कारवाईला विलंब होऊ शकतो असे तेथील स्थानिक नागरिकांचे म्हणणे आहे त्यामुळे आता पोलीस अधीक्षक पंकज देशमुख काय कार्यवाही करतात हे पाहणे आता महत्त्वाचे ठरेल..