पिंपरी-चिंचवड: पुण्यातील पिंपरी-चिंचवड शहरात एका कामगाराची गॅस सिलिंडरने ठेचून हत्या केल्याची धक्कादायक घटना उघडकीस आली आहे. मोशी परिसरातील कुदळे वस्ती येथील बांधकाम प्रकल्पावर जेवण बनवण्याच्या कारणावरून झालेल्या वादातून ही घटना घडली. या घटनेत बालाजी खंदाडे (वय २९) यांचा मृत्यू झाला असून पोलिसांनी आरोपी प्रदीप गुंडारे (वय ३२) याला अटक केली आहे.
मिळालेल्या माहितीनुसार, मोशीमधील कुदळे वस्ती येथील बांधकाम प्रकल्पावर खंदाडे आणि गुंडारे हे दोघे कामगार म्हणून काम करत होते. ते दोघे दूरचे नातेवाईकही असल्याचे तपासात समोर आले आहे. सोमवारी रात्री सुमारे ११.३० वाजण्याच्या सुमारास जेवण बनवण्याच्या कारणावरून दोघांमध्ये जोरदार वाद झाला.
वाद वाढत गेल्यानंतर संतापलेल्या प्रदीप गुंडारे याने जवळच असलेला गॅस सिलिंडर उचलून बालाजी खंदाडे यांच्यावर हल्ला केला. या हल्ल्यात खंदाडे गंभीर जखमी झाले. घटनेनंतर गुंडारे घटनास्थळावरून पसार झाला.दरम्यान, बांधकाम साईटवरील इतर कामगारांनी गंभीर जखमी अवस्थेतील खंदाडे यांना तात्काळ जवळच्या रुग्णालयात दाखल केले. मात्र उपचारादरम्यान त्यांचा मृत्यू झाला.
या प्रकरणी पिंपरी-चिंचवडमधील एमआयडीसी भोसरी पोलिसांनी गुन्हा दाखल केला असून आरोपी प्रदीप गुंडारे याला मंगळवारी रात्री अटक करण्यात आली. त्याच्याविरुद्ध भारतीय न्याय संहिता (BNS) कलम १०३ (खून) अंतर्गत गुन्हा नोंदविण्यात आला आहे. आरोपी हा मूळचा लातूर जिल्ह्यातील असल्याची माहिती तपासातून समोर आली आहे.पोलिस या घटनेचा पुढील तपास करत असून वादाचे नेमके कारण शोधले जात आहे.
शिरूर (तेजस फडके) : शिरुर आणि श्रीगोंदा तालुक्यातील शेतकऱ्यांसाठी जीवनदायिनी ठरलेल्या घोड धरणातील वाळू उपशाचा…
शिरुर (तेजस फडके) शिरुर तालुक्यात किरकोळ कारणांवरुन झालेल्या वादाचे रुपांतर थेट मारहाणीत होत असल्याच्या दोन…
शिक्रापूर (अक्षय टेमगिरे) : दिवाळी म्हटले की खरेदीसाठी बाजारपेठांमध्ये होणारी गर्दी आणि नगर-पुणे महामार्गावरील वाहतूक…
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…