महिला आरक्षणावर भाजपाला अधिकार नाही; RSS मध्ये महिला सरसंघचालक नेमून दाखवा; हर्षवर्धन सपकाळ

मुंबई: महिला आरक्षणाच्या मुद्द्यावरून महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी भाजपावर जोरदार टीका केली आहे. “महिला आरक्षणावर बोलण्याचा भाजपाला कोणताही अधिकार नाही. आधी Bunch of Thoughts आणि Manusmriti जाळा, मग बोला,” असे आव्हान त्यांनी दिले.

टिळक भवन येथे प्रसारमाध्यमांशी बोलताना सपकाळ म्हणाले की, भाजपाची विचारसरणी M. S. Golwalkar यांच्या ‘बंच ऑफ थॉट’वर आधारित असून त्यात महिलांना दुय्यम स्थान दिले गेले आहे. त्यामुळे महिलांबाबतची भूमिका स्पष्ट करण्याआधी भाजपाने आत्मपरीक्षण करावे, असे त्यांनी सांगितले.

तसेच Rashtriya Swayamsevak Sangh (आरएसएस) च्या सरसंघचालकपदी महिला नेमण्याचे आव्हान देत, “हिम्मत असेल तर कृतीतून दाखवा,” असेही ते म्हणाले.

महिला आरक्षणाच्या पार्श्वभूमीवर Savitribai Phule यांचा उल्लेख करत सपकाळ यांनी भाजपावर टीका केली. “सावित्रीबाई फुले यांनी मुलींसाठी पहिली शाळा सुरू केली तेव्हा त्यांना विरोध करणारे कोण होते, हे भाजपाने सांगावे,” असा सवाल त्यांनी उपस्थित केला.

डिलिमिटेशनच्या मुद्द्यावरही त्यांनी भाजपाला लक्ष्य केले. “मुंबई आणि महाराष्ट्राचा ‘गायपट्टा’ करण्याचा भाजपाचा डाव आहे. या विषयावर भाजपाचे नेते मौन का बाळगतात?” असा प्रश्न त्यांनी विचारला.

दरम्यान, वरळीतील मोर्चादरम्यान एका महिलेने व्यक्त केलेल्या संतापाचा व्हिडिओ व्हायरल झाल्यानंतर पत्रकारांना धमक्या दिल्या जात असल्याचा आरोपही सपकाळ यांनी केला. “अशा धमक्यांना काँग्रेस घाबरणार नाही, पत्रकारांनीही घाबरू नये,” असे ते म्हणाले.

काँग्रेस अध्यक्ष Mallikarjun Kharge यांच्या विधानाचा चुकीचा अर्थ लावला जात असल्याचा आरोप करत त्यांनी पंतप्रधान Narendra Modi यांच्यावरही टीका केली. “ईडी आणि सीबीआयच्या माध्यमातून दहशतीचे राजकारण सुरू आहे,” असा आरोप त्यांनी केला.