मध्य प्रदेश: इथेनॉल मिश्रणावरून देशभरात चर्चा सुरू असतानाच मध्य प्रदेशातील रीवा लोकसभा मतदारसंघाचे भाजप खासदार जनार्दन मिश्रा यांच्या वक्तव्याने नव्या वादाला तोंड फुटले आहे. पेट्रोलमध्ये २० टक्के इथेनॉल मिश्रणाच्या केंद्र सरकारच्या धोरणाचे समर्थन करताना त्यांनी शुद्ध पेट्रोलची मागणी करणाऱ्यांवर टीका केली.
रीवा विमानतळावर कोलकाता-रीवा-भोपाळ हवाई सेवेच्या उद्घाटन कार्यक्रमात जनार्दन मिश्रा यांनी इथेनॉल मिश्रणाचे समर्थन केले. इथेनॉलच्या वापरामुळे इंधनासाठी परदेशावर असलेले अवलंबित्व कमी होण्यास मदत होईल, तसेच इथेनॉल उत्पादक शेतकऱ्यांना त्याचा फायदा मिळू शकतो, असा दावा त्यांनी केला.
ब्राझीलमध्ये इथेनॉलचा मोठ्या प्रमाणावर वापर केला जात असल्याचे सांगत भारतीय वाहनेही पूर्णपणे इथेनॉलवर चालण्यास सक्षम असल्याचे मिश्रा यांनी म्हटले. त्यामुळे इथेनॉल मिश्रणाच्या धोरणामुळे देशाची अर्थव्यवस्था आणि शेतकऱ्यांना फायदा होईल, असा त्यांचा युक्तिवाद होता.
मात्र, शुद्ध पेट्रोलची मागणी करणाऱ्यांवर बोलताना मिश्रा यांची जीभ घसरली. “शुद्ध पेट्रोल काय तुमच्या बापाच्या घरातून येते का?” असे वक्तव्य त्यांनी व्यासपीठावरून केले. त्यांच्या या वक्तव्याचा व्हिडीओ सोशल मीडियावर व्हायरल होत असून, त्यावरून विविध प्रतिक्रिया उमटत आहेत.
इथेनॉल मिश्रणाच्या धोरणावर आधीच मतमतांतरे व्यक्त होत असताना भाजप खासदारांच्या या आक्रमक वक्तव्यामुळे हा मुद्दा पुन्हा चर्चेत आला आहे. कार्यक्रमाला मध्य प्रदेशातील अनेक नेते उपस्थित होते.
शिक्रापूर (अक्षय टेमगिरे) : दिवाळी म्हटले की खरेदीसाठी बाजारपेठांमध्ये होणारी गर्दी आणि नगर-पुणे महामार्गावरील वाहतूक…
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…