महाराष्ट्र

मुंबईतील मृत्यूंवरून फडणवीस सरकारवर काँग्रेसचा हल्लाबोल; सदोष मनुष्यवधाचा गुन्हा दाखल करण्याची मागणी

मुंबई: मुंबई परिसरात मुसळधार पावसामुळे झालेल्या दुर्घटनांमध्ये १२ जणांचा मृत्यू झाल्याच्या पार्श्वभूमीवर काँग्रेसचे प्रदेशाध्यक्ष हर्षवर्धन सपकाळ यांनी राज्य सरकारवर तीव्र टीका केली आहे. हे मृत्यू नैसर्गिक आपत्तीमुळे नसून सरकारच्या निष्काळजीपणामुळे झाल्याचा आरोप करत, मुख्यमंत्री देवेंद्र फडणवीस यांच्यावर सदोष मनुष्यवधाचा गुन्हा दाखल करण्याची मागणी त्यांनी केली.

मुंबईतील गांधी भवन येथे आयोजित पत्रकार परिषदेत बोलताना सपकाळ यांनी राज्यातील पावसाळी परिस्थिती हाताळण्यात सरकार अपयशी ठरल्याचा आरोप केला. मुसळधार पावसाच्या पार्श्वभूमीवर आवश्यक खबरदारी आणि पूर्वतयारी करण्यात प्रशासन अपयशी ठरल्यामुळे नागरिकांचे जीव जात असल्याचे त्यांनी म्हटले.

पुणे-मुंबई द्रुतगती मार्गावरील ‘मिसिंग लिंक’ प्रकल्पावर सुमारे ७,१८१ कोटी रुपये खर्च करूनही अवघ्या दोन महिन्यांत वाहतूक बंद ठेवावी लागल्याचा उल्लेख करत त्यांनी या प्रकल्पात भ्रष्टाचार आणि तांत्रिक त्रुटींकडे दुर्लक्ष झाल्याचा आरोप केला. माजी मुख्यमंत्री पृथ्वीराज चव्हाण यांच्या कार्यकाळात तज्ज्ञांनी उपस्थित केलेल्या आक्षेपांकडे दुर्लक्ष करून प्रकल्प पूर्ण करण्यात आल्याचेही त्यांनी सांगितले.

मुख्यमंत्री फडणवीस यांनी ‘मिसिंग लिंक’ प्रकल्प ‘टेस्टिंग पिरियड’मध्ये असल्याचे केलेले विधानही सपकाळ यांनी फेटाळले. २०१४ पासून राज्यात भाजपचे सरकार असून अजूनही ‘टेस्टिंग’ सुरू असल्याचे सांगणे हे जनतेची दिशाभूल करणारे असल्याची टीका त्यांनी केली.यावेळी त्यांनी पंतप्रधान नरेंद्र मोदी यांच्या परदेश दौऱ्यांवरही टीका करत विविध राजकीय मुद्द्यांवर सरकारला लक्ष्य केले.

शिरूर तालुका टीम

Recent Posts

शिरूर! लाचखोर हवालदार गजाआड; मात्र लाचखोरीच्या ‘वरिष्ठ सूत्रधारां’चा शोध सुरु…

शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…

18 तास ago

आयुर्वेदातील या टिप्स ने आता दुखण करता येईल मुळपासून दुर

तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…

1 दिवस ago

सावरकरांचा अपमान गोलवलकरांच्या पुस्तकातही; मग ‘बंच ऑफ थॉट्स’ फाडणार का? शिंदेसेनेला सचिन सावंतांचा सवाल!

संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…

1 दिवस ago

वाढवण बंदराचा हट्ट भूमिपुत्रांच्या अस्तित्वावर घाला; प्रकल्प कायमस्वरूपी रद्द करा!

पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…

1 दिवस ago

मराठवाड्यात काँग्रेस संघटना मजबूत करण्यासाठी सपकाळ मैदानात; बूथपासून जिल्हास्तरापर्यंत बांधणीचे निर्देश

SIR प्रक्रियेवरून निवडणूक आयोगावर हर्षवर्धन सपकाळांचा हल्लाबोल; पात्र मतदारांची नावे वगळू नका, BLA प्रतिनिधींना दिला…

1 दिवस ago

Video! सणसवाडीतील फोसेको इंडिया कंपनीत भीषण अपघात; पल्पर मशीनमध्ये अडकून परप्रांतीय मजूर गंभीर जखमी…

शिक्रापूर (तेजस फडके): सणसवाडी (ता. शिरुर) औद्योगिक वसाहतीमध्ये कामगारांच्या सुरक्षेचा प्रश्न पुन्हा एकदा ऐरणीवर आला…

2 दिवस ago