राज्यभर वृक्षारोपण, आरोग्य, महिला व शेतकरी उपक्रम
मुंबई: स्वर्गीय अजितदादा पवार यांच्या जयंतीनिमित्त राष्ट्रवादी काँग्रेसतर्फे राज्यभर २२ ते २६ जुलै दरम्यान ‘जनसेवा सप्ताह’ आयोजित करण्यात आला आहे. यामध्ये पर्यावरण संवर्धन, आरोग्य, महिला सक्षमीकरण, कृषी, युवक, सामाजिक आणि अल्पसंख्याक समाजासाठी विविध लोकाभिमुख उपक्रम राबविण्यात येणार असल्याची माहिती सुनिल तटकरे यांनी दिली.
‘हरित महाराष्ट्र, वृक्ष माझी सावली, वृक्ष माझी माऊली, दादांची दृष्टी, हरित सृष्टी’ या संकल्पनेवर राज्यभर व्यापक वृक्षारोपण मोहीम राबविण्यात येणार आहे. तसेच ज्येष्ठ अभिनेते सयाजी शिंदे यांच्या नेतृत्वाखाली सह्याद्री देवराई फाऊंडेशनमार्फत ‘देवगिरी ते देवराई’ हा वृक्षसंवर्धन उपक्रम प्रत्येक जिल्ह्यात राबविला जाणार आहे.
जनसेवा सप्ताहात रक्तदान शिबिरे, मोफत आरोग्य तपासणी, मधुमेह, रक्तदाब, डोळे, स्तन व गर्भाशय कर्करोग तसेच मुख कर्करोग तपासणी, ऑस्टीओपोरोसिस निदान शिबिरे आयोजित केली जाणार आहेत. याशिवाय सार्वजनिक स्वच्छता मोहीम, गडकिल्ले व स्मारक स्वच्छता, आषाढी वारीत वारकरी सेवा उपक्रमही राबविले जातील.
महिलांसाठी राज्यस्तरीय मेळावे, बचत गट सक्षमीकरण, स्वयंरोजगार मार्गदर्शन, सूक्ष्म कर्ज, कौशल्य प्रशिक्षण आणि अजितदादा महिला सशक्तिकरण पुरस्कार देण्यात येणार आहेत. कृषी क्षेत्रात एआय आधारित कार्यशाळा, कृषी प्रदर्शने, शेतकरी मार्गदर्शन आणि प्रगतशील शेतकऱ्यांचा अजितदादा कृषी सन्मान पुरस्काराने गौरव करण्यात येणार आहे.
युवकांसाठी मुंबई, पुणे, नागपूर, छत्रपती संभाजीनगर आणि नाशिक येथे युवा संकल्प शिबिरे, नेतृत्व विकास कार्यशाळा तसेच स्थानिक स्वराज्य संस्थांच्या निवडणुकांसाठी प्रशिक्षण आयोजित करण्यात येणार आहे. विविध क्रीडा स्पर्धा आणि क्रीडा क्षेत्रातील मान्यवरांचा सन्मानही करण्यात येईल.
अल्पसंख्याक समाजासाठी शासनाच्या विविध योजनांचा लाभ मिळवून देण्यासाठी सेवा संकल्प शिबिरे आयोजित केली जाणार असून, जनसेवा सप्ताहाच्या नियोजनाची जबाबदारी संबंधित पालकमंत्री व संपर्कमंत्र्यांवर सोपविण्यात आली असल्याचे सुनिल तटकरे यांनी प्रसिद्धीपत्रकाद्वारे सांगितले.
शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…
तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…
संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…
पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…
SIR प्रक्रियेवरून निवडणूक आयोगावर हर्षवर्धन सपकाळांचा हल्लाबोल; पात्र मतदारांची नावे वगळू नका, BLA प्रतिनिधींना दिला…
शिक्रापूर (तेजस फडके): सणसवाडी (ता. शिरुर) औद्योगिक वसाहतीमध्ये कामगारांच्या सुरक्षेचा प्रश्न पुन्हा एकदा ऐरणीवर आला…