महाराष्ट्र

राम मंदिरातील देणग्यांच्या कथित गैरव्यवहारावर काँग्रेसचा हल्लाबोल; चंपत राय, अनिल मिश्रांवर कारवाईची मागणी

मुंबई: राम मंदिरातील देणग्यांच्या कथित गैरव्यवहाराच्या मुद्द्यावर काँग्रेसने भाजप आणि राम मंदिर ट्रस्टवर जोरदार हल्लाबोल केला आहे. काँग्रेसचे प्रदेशाध्यक्ष हर्षवर्धन सपकाळ यांनी राम मंदिर ट्रस्टमधील कथित आर्थिक गैरव्यवहाराची चौकशी सर्वोच्च न्यायालयाच्या निवृत्त किंवा विद्यमान न्यायाधीशांच्या देखरेखीखाली व्हावी, अशी मागणी केली. तसेच एसआयटी चौकशी ही केवळ धुळफेक असल्याचा आरोप करत चंपत राय आणि अनिल मिश्र यांच्यावर कठोर कारवाई करण्याची मागणी केली.

नाशिक येथील काळाराम मंदिरातून काँग्रेसच्या ‘रघुपती राघव राजाराम’ सत्याग्रहाची सुरुवात करण्यात आली. या आंदोलनात खासदार शोभा बच्छाव, मोहन जोशी, शरद अहिर, निलेश (बब्लू) खैरे, रमेश कहांडोळे, भरत टाकेकर, संदीप पाटील, ज्ञानेश्वर गायकवाड, वत्सला खैरे यांच्यासह शेकडो पदाधिकारी व कार्यकर्ते सहभागी झाले.

सपकाळ यांनी आरोप केला की, रामभक्तांनी श्रद्धेने अर्पण केलेल्या अब्जावधी रुपयांच्या देणग्या आणि सोने-चांदीच्या वस्तूंचा कथित गैरव्यवहार झाला असून या प्रकरणाची निष्पक्ष चौकशी होणे आवश्यक आहे. तसेच, “आदिवासी, मागासवर्गीय किंवा अल्पसंख्याक समाजातील कोणी आरोपी असता तर त्यांच्या घरावर तातडीने बुलडोझर चालवला गेला असता. मग चंपत राय आणि अनिल मिश्रांच्या घरावर बुलडोझर कधी चालवणार?” असा सवाल त्यांनी उपस्थित केला.

काँग्रेस प्रदेशाध्यक्षांनी पुढे आरोप केला की, राम मंदिर ट्रस्टमध्ये पंतप्रधान नरेंद्र मोदी यांच्या निकटवर्तीयांची नियुक्ती करण्यात आली असून ट्रस्टला माहितीच्या अधिकाराच्या कक्षेबाहेर ठेवण्यात आले आहे. त्यामुळे रामभक्तांच्या देणग्यांचा हिशोब जनतेसमोर मांडावा, अशीही त्यांनी मागणी केली.

काँग्रेसचा हा सत्याग्रह ९ जुलैपासून राज्यभर राबविण्यात येणार असून, “प्रभू रामाच्या नावावर कथित गैरव्यवहार करणाऱ्यांना प्रायश्चित्त करावे लागेल,” असा इशाराही हर्षवर्धन सपकाळ यांनी दिला.

शिरूर तालुका टीम

Recent Posts

शिरूर! लाचखोर हवालदार गजाआड; मात्र लाचखोरीच्या ‘वरिष्ठ सूत्रधारां’चा शोध सुरु…

शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…

21 तास ago

आयुर्वेदातील या टिप्स ने आता दुखण करता येईल मुळपासून दुर

तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…

1 दिवस ago

सावरकरांचा अपमान गोलवलकरांच्या पुस्तकातही; मग ‘बंच ऑफ थॉट्स’ फाडणार का? शिंदेसेनेला सचिन सावंतांचा सवाल!

संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…

1 दिवस ago

वाढवण बंदराचा हट्ट भूमिपुत्रांच्या अस्तित्वावर घाला; प्रकल्प कायमस्वरूपी रद्द करा!

पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…

2 दिवस ago

मराठवाड्यात काँग्रेस संघटना मजबूत करण्यासाठी सपकाळ मैदानात; बूथपासून जिल्हास्तरापर्यंत बांधणीचे निर्देश

SIR प्रक्रियेवरून निवडणूक आयोगावर हर्षवर्धन सपकाळांचा हल्लाबोल; पात्र मतदारांची नावे वगळू नका, BLA प्रतिनिधींना दिला…

2 दिवस ago

Video! सणसवाडीतील फोसेको इंडिया कंपनीत भीषण अपघात; पल्पर मशीनमध्ये अडकून परप्रांतीय मजूर गंभीर जखमी…

शिक्रापूर (तेजस फडके): सणसवाडी (ता. शिरुर) औद्योगिक वसाहतीमध्ये कामगारांच्या सुरक्षेचा प्रश्न पुन्हा एकदा ऐरणीवर आला…

2 दिवस ago