मुंबई: केंद्रातील भारतीय जनता पार्टी (भाजप) सरकारच्या धोरणांविरोधात इंडियन नॅशनल काँग्रेस च्या वतीने आज सोलापूरात तीव्र निदर्शने करण्यात आली. आंदोलनादरम्यान कार्यकर्त्यांनी ‘देशद्रोही भाजप सरकार मुर्दाबाद’, ‘राहुल गांधीजी तुम संघर्ष करो, हम तुम्हारे साथ है’, ‘छत्रपती शिवाजी महाराजांचा अपमान सहन केला जाणार नाही’ अशा जोरदार घोषणा दिल्या.आंदोलनानंतर निवासी उपजिल्हाधिकारी अभिजित पाटील यांच्यामार्फत जिल्हाधिकाऱ्यांना निवेदन देण्यात आले.
भारत-अमेरिका व्यापार करारावर आक्षेप
भारत-अमेरिका व्यापार करार देशहिताचा नसून त्याचा थेट फटका शेतकरी, व्यापारी, कामगार आणि ग्रामीण अर्थव्यवस्थेला बसत असल्याचा आरोप काँग्रेसने केला. एकतर्फी सवलतींमुळे शेतमालाच्या किमती घसरत असून बाजारात अस्थिरता निर्माण होत असल्याचे शहराध्यक्ष चेतन नरोटे यांनी सांगितले. हा करार तात्काळ रद्द करण्यात यावा, अशी मागणीही त्यांनी केली.
धमकी आणि हल्ल्याचा निषेध
काँग्रेसचे राष्ट्रीय नेते राहुल गांधी तसेच पक्षाच्या खासदारांना भाजपशी संबंधित कार्यकर्त्याकडून घरात घुसून गोळ्या घालण्याची उघड धमकी दिल्याच्या घटनेचा आंदोलनात तीव्र निषेध करण्यात आला. या प्रकरणाची निष्पक्ष चौकशी करून दोषींवर कठोर कारवाई करण्याची मागणी करण्यात आली.
तसेच पुणे येथे प्रदेश काँग्रेस कमिटीचे प्रवक्ते हनुमंत पवार यांच्यावर भाजपशी संबंधित कार्यकर्त्यांनी केलेल्या हल्ल्याचाही निषेध करण्यात आला. हा हल्ला केवळ एका व्यक्तीवर नसून मुक्त विचार, प्रश्न विचारण्याचा अधिकार आणि संविधानिक मूल्यांवर केलेला थेट प्रहार असल्याचे सांगण्यात आले. संबंधित सर्व दोषींना तात्काळ अटक करून कठोर कारवाई करण्यात यावी, अशी मागणी यावेळी करण्यात आली.
पदाधिकारी व कार्यकर्त्यांची उपस्थिती
या आंदोलनात नगरसेवक नरसिंह आसादे, प्रदेश सचिव राहुल वर्धा, श्रीशैल रणधीरे, महिला अध्यक्ष प्रमिलाताई तूपलवंडे, कार्याध्यक्ष हनुमंत सायबोळू, ब्लॉक अध्यक्ष उदयशंकर चाकोते, बाबूराव म्हेत्रे, मीडिया सेल अध्यक्ष तिरुपती परकीपंडला, सेवादल यंग ब्रिगेड अध्यक्ष विवेक कन्ना, सुभाष वाघमारे, पशुपती माशाळ, माजी नगरसेवक सिद्धाराम चाकोते, हारुण शेख, उपाध्यक्ष विश्वनाथ साबळे, राजन कामत, अनिल मस्के, अशोक कलशेट्टी, गिरीधर थोरात आदी पदाधिकारी व कार्यकर्ते मोठ्या संख्येने उपस्थित होते.
शिरुर (तेजस फडके) चिंचणी (ता. शिरुर) शिरूर आणि श्रीगोंदा तालुक्यातील शेतीसाठी जीवनदायिनी ठरलेल्या चिंचणी (ता.…
पिंपरी-चिंचवड : वाढत्या पिंपरी-चिंचवड शहराच्या सुरक्षिततेचा पाया अधिक मजबूत करण्यासाठी पोलीस दलाच्या आधुनिकीकरणाला राज्य सरकारने…
थोरात, हंडोरे, नसीम खान यांच्यासह चौघांची समिती; तीन आठवड्यांत अहवाल सादर होणार मुंबई: नागपूर पदवीधर,…
मुंबई: महाराष्ट्रात काँग्रेस पक्षाचे संघटन अधिक मजबूत करण्यासाठी प्रदेश नेतृत्वाने आता नियोजनबद्ध पावले उचलण्यास सुरुवात…
शिरूर (अरुणकुमार मोटे): मलठण (ता. शिरूर) येथील मलठण-शिक्रापूर रस्त्यावरील एकनाथ दंडवते यांच्या घरावर रात्री सुमारे…
अनेक वेळा रक्ताच्या कमतरतेमुळे थकवा येणे, अशक्तपणा, त्वचा पिवळी पडणे, हात-पाय सुजणे इत्यादी एनिमियाचे लक्षण…