…अखेर त्या भोंदू बाबाचा पर्दाफाश छ. संभाजीनगरात अघोरी प्रकार उघड

संभाजीनगर: वैजापूर तालुका शिऊर गाव, छ. संभाजीनगर  छत्रपती संभाजीनगर जिल्ह्यातील शिऊर गावात अंधश्रद्धेचा संतापजनक प्रकार उघडकीस आला आहे.  येथील बिरोबा मंदिर परिसरात संजय रंगनाथ पगार नावाचा भोंदू बाबा अनेक महिन्यांपासून लोकांची फसवणूक करत होता.

लग्न होत नाही, मूल होत नाही, भूतबाधा झाली आहे, अशा थापा मारून बाबा लोकांना आपल्या जाळ्यात ओढायचा. मंदिरात ढोलकी, मंत्रजाप आणि “अलख निरंजन” च्या आरोळ्या देत तो अघोरी कृत्य करत असे, त्याने काही लोकांच्या मानेवर पाय ठेवणे, पोटावर काठी ठेवणे, तोंडात लघवी करणे, नाकाला बूट लावणे असे क्रूर प्रकार केल्याचे समोर आले आहे.

पोलिसांनी घेतली गंभीर दखल

17 जुलै 2025 रोजी तक्रारदार किशोर शांताराम आघाडे यांच्या फिर्यादीवरून, वैजापूर पोलिसांनी अंधश्रद्धा निर्मूलन कायद्यानुसार गुन्हा दाखल केला आहे. लवकरच आरोपीला अटक होण्याची शक्यता आहे. सध्या तपास सुरू असून कठोर कारवाईचे संकेत दिले आहेत.

भोंदू बाबांवर कठोर कारवाई का गरजेची आहे

अनेकदा अशिक्षित किंवा अंधश्रद्धेवर विश्वास ठेवणारे लोक अशा फसवणुकीला बळी पडतात. त्यांचं आर्थिक, मानसिक आणि शारीरिक नुकसान होत. त्यामुळे संपूर्ण राज्यात अशा फसव्या भोंदूबाबांविरोधात कठोर कारवाई ही काळाची गरज आहे.