मुंबई: राज्यातील हवामानात मागील काही दिवसांपासून झपाट्याने बदल होत असून उष्णतेची तीव्रता वाढताना दिसत आहे. मागील आठवड्यात सोमवारी आणि मंगळवारी उत्तर कोकणासह विदर्भातील काही भागांत उष्णतेच्या लाटेची नोंद झाली होती. त्यानंतर बुधवारी काही ठिकाणी कमाल तापमानात थोडी घट झाली असली तरी आठवड्याच्या शेवटी पुन्हा उष्णतेचा प्रभाव वाढला आहे.
हवामान विभागाने राज्यात उष्णतेच्या लाटेचा इशारा दिला होता आणि तो खरा ठरला आहे. एकीकडे कडक उन्हाचा तडाखा जाणवत असताना दुसरीकडे काही भागांत विजांचा कडकडाट, सोसाट्याचे वारे आणि अवकाळी पावसाची शक्यता वर्तविण्यात आली आहे. विदर्भातील अनेक जिल्ह्यांमध्ये तापमानात लक्षणीय वाढ झाली असून नागरिकांना तीव्र उष्णतेचा सामना करावा लागत आहे.
गेल्या आठवड्यात उत्तर कोकणातील डहाणू, मुंबई आणि ठाणे येथे तीव्र उष्णतेच्या लाटेची नोंद झाली. मुंबईत अनेक वर्षांनंतर तापमानाचा पारा ४० अंशांपर्यंत पोहोचला. हवामान तज्ज्ञांच्या मते, गुजरात आणि महाराष्ट्राच्या काही भागांवर निर्माण झालेल्या प्रतिचक्रवात स्थितीमुळे तापमानात मोठी वाढ झाली आहे. हा उष्णतेचा कल पुढील काही दिवस कायम राहण्याची शक्यता वर्तविण्यात आली आहे.उष्णतेची वाढती तीव्रता लक्षात घेऊन राज्यातील काही जिल्ह्यांमध्ये शाळांच्या वेळेत बदल करण्याचा निर्णय घेण्यात आला आहे.
छत्रपती संभाजीनगर जिल्ह्यात शाळा सकाळी
वाढत्या उष्णतेमुळे छत्रपती संभाजीनगर जिल्ह्यातील प्राथमिक व माध्यमिक शाळांच्या वेळेत बदल करण्यात आला आहे. जिल्हा प्रशासनाच्या निर्णयानुसार १६ मार्चपासून जिल्ह्यातील सुमारे ३०८० शाळा सकाळी ७ ते दुपारी साडेबारापर्यंत भरवण्यात येणार आहेत. विद्यार्थ्यांच्या आरोग्याचा विचार करून हा निर्णय घेण्यात आला असून ग्रामीण भागातील विद्यार्थ्यांना याचा मोठा दिलासा मिळणार आहे.
जळगावमध्ये सर्वाधिक तापमान
मध्य महाराष्ट्रातील जळगाव जिल्ह्यात सर्वाधिक तापमानाची नोंद झाली असून पारा ४१ अंशांपर्यंत पोहोचला आहे. वाढत्या तापमानाच्या पार्श्वभूमीवर जिल्हा प्रशासन सतर्क झाले आहे. शाळा सकाळच्या सत्रात भरवण्याचे आदेश देण्यात आले असून नागरिकांनी दुपारच्या कडक उन्हात बाहेर पडणे टाळावे, भरपूर पाणी प्यावे आणि आवश्यक ती काळजी घ्यावी, असे आवाहन जिल्हाधिकारी रोहन घुगे यांनी केले आहे. उष्माघाताच्या शक्यतेमुळे वैद्यकीय यंत्रणाही सज्ज ठेवण्यात आली आहे.
यवतमाळमध्येही सकाळचे सत्र
यवतमाळ जिल्हा परिषदेच्या सर्व शाळाही १६ मार्चपासून सकाळच्या सत्रात भरविण्यात येणार आहेत. जिल्हा परिषदेचे मुख्य कार्यकारी अधिकारी मंदार पत्की यांनी याबाबत आदेश दिले आहेत. वाढत्या तापमानामुळे दुपारच्या कडक उन्हाचा सर्वाधिक फटका लहान विद्यार्थ्यांना बसत असल्याने हा निर्णय घेण्यात आला आहे. नव्या वेळेनुसार शाळा सकाळी ७.२० ते ११.३५ या वेळेत भरवण्यात येणार आहेत.
शिंदोडी (तेजस फडके) : शेतकऱ्यांना आर्थिक आधार देण्याबरोबरच सहकार क्षेत्रात आर्थिक शिस्त आणि विश्वासार्हतेचा आदर्श…
शिरूर (तेजस फडके) : शिरुर तालुक्यातील चिंचणी येथील घोड धरणात गेल्या पाच वर्षांपासून बेकायदेशीर वाळू…
शिरुर (तेजस फडके) चिंचणी (ता. शिरुर) शिरूर आणि श्रीगोंदा तालुक्यातील शेतीसाठी जीवनदायिनी ठरलेल्या चिंचणी (ता.…
पिंपरी-चिंचवड : वाढत्या पिंपरी-चिंचवड शहराच्या सुरक्षिततेचा पाया अधिक मजबूत करण्यासाठी पोलीस दलाच्या आधुनिकीकरणाला राज्य सरकारने…
थोरात, हंडोरे, नसीम खान यांच्यासह चौघांची समिती; तीन आठवड्यांत अहवाल सादर होणार मुंबई: नागपूर पदवीधर,…
मुंबई: महाराष्ट्रात काँग्रेस पक्षाचे संघटन अधिक मजबूत करण्यासाठी प्रदेश नेतृत्वाने आता नियोजनबद्ध पावले उचलण्यास सुरुवात…