महाराष्ट्र

थापाडे कोण, हे महाराष्ट्राला ठाऊक! एकनाथ शिंदेंचा उद्धव ठाकरेंवर घणाघात

अमित शाह यांच्यावरील टीकेला शिंदेंचे प्रत्युत्तर; शेतकरी प्रश्नांवरूनही विरोधकांना सुनावले

मुंबई : केंद्रीय गृहमंत्री अमित शाह यांना थापाडे म्हणणाऱ्यांनी आधी २०१९ मधील स्वतःचा राजकीय इतिहास तपासावा. महाराष्ट्रातील १४ कोटी जनतेचा विश्वासघात करून सत्तेच्या खुर्चीसाठी भाजपच्या पाठीतही खंजीर खुपसणारे आज दुसऱ्यांना थापाडे म्हणत आहेत. खरे थापाडे कोण आहेत, हे महाराष्ट्रातील जनतेला चांगलेच ठाऊक आहे, अशा आक्रमक शब्दांत उपमुख्यमंत्री एकनाथ शिंदे यांनी उद्धव ठाकरे यांचे नाव न घेता जोरदार निशाणा साधला. मुंबईत पत्रकारांशी संवाद साधताना त्यांनी विरोधकांच्या विविध आरोपांना प्रत्युत्तर दिले.

२०१९ मध्ये शिवसेना आणि भाजपची युती झाली होती. त्यामुळे राज्यात युतीचेच सरकार स्थापन व्हायला हवे होते. मात्र, केवळ मुख्यमंत्रीपदाच्या खुर्चीसाठी जनतेशी खोटे बोलण्यात आले. जनतेचा विश्वासघात करून ज्या भाजपसोबत निवडणूक लढवली, त्याच भाजपच्या पाठीत खंजीर खुपसण्यात आला. मग अमितभाईंना थापाडे म्हणण्याचा अधिकार कोणाला आहे? आधी स्वतःच्या राजकीय इतिहासातील थापांचा हिशेब द्या. जनतेशी विश्वासघात करणाऱ्यांनी दुसऱ्यांना नैतिकतेचे धडे देऊ नयेत, असा घणाघात शिंदे यांनी केला.

पंतप्रधान नरेंद्र मोदी आणि केंद्रीय गृहमंत्री अमित शाह यांच्यावर दररोज टीका करायची, खोटेनाटे आरोप करायचे आणि त्यातून माध्यमांमध्ये प्रसिद्धी मिळवायची, हाच काहींचा उद्योग झाला आहे. ‘खोटे बोला, पण रेटून बोला आणि माध्यमांमध्ये राहा’, अशी त्यांची कार्यपद्धती आहे. मात्र, जनतेला सर्व काही समजते. केवळ आरोपांच्या फैरी झाडून वास्तव बदलत नाही, असा टोलाही त्यांनी विरोधकांना लगावला.

शेतकऱ्यांच्या प्रश्नांवर राजकारण नको!

राज्यातील शेतकरी सध्या दुष्काळ, नैसर्गिक संकटे आणि आर्थिक अडचणींमुळे संकटात आहे. अशा परिस्थितीत त्याच्या पाठीशी उभे राहण्याची गरज आहे. शेतकऱ्यांच्या बांधावर जातो, असे सांगता; मग एखादा बिस्किटाचा पुडा तरी शेतकऱ्याला दिला का? शेतकऱ्याला प्रत्यक्ष मदत करण्याऐवजी त्याच्या संकटावर राजकारण करणे योग्य नाही. राजकारणासाठी इतर अनेक विषय आहेत. मात्र, शेतकऱ्यांच्या प्रश्नांवर सर्वांनी एकत्र येऊन काम केले पाहिजे, असे शिंदे यांनी सुनावले.

रोहित पवारांच्या आरोपांनाही प्रत्युत्तर

एखाद्या उद्योजकासोबत फोटो असणे किंवा त्याच्या कार्यक्रमाला उपस्थित राहणे म्हणजे संबंधित व्यक्तीला पाठीशी घालणे अथवा समर्थन देणे, असा अर्थ होत नाही. कोणाच्या कार्यक्रमाला जाणे हा गुन्हा नाही. त्यामुळे कोणताही ठोस पुरावा नसताना केवळ फोटोच्या आधारे आरोप करणे चुकीचे आहे, असे सांगत शिंदे यांनी रोहित पवार यांच्या वक्तव्यावर पलटवार केला.

विरोधकांना मोदी-अमित शाह फोबिया!

काहींची अवस्था अशी झाली आहे की, त्यांना दिवसभर मोदीजी आणि अमितभाई यांच्याशिवाय दुसरे काहीच दिसत नाही. त्यांना मोदी फोबिया आणि अमित शाह फोबिया झाला आहे, अशी टीका शिंदे यांनी केली. संताजी-धनाजींच्या इतिहासाचा संदर्भ देत मुलांच्या घोड्यांना पाणी पितानाही कोण दिसत होते, असा उपरोधिक सवाल करत त्यांनी विरोधकांची खिल्ली उडवली.

२०१९ मध्ये जनतेचा विश्वासघात करून सत्तेसाठी युती तोडणाऱ्यांनी आज थापाडेपणाच्या बाता मारणे म्हणजे ‘उलटा चोर कोतवाल को डांटे’ अशीच परिस्थिती आहे. महाराष्ट्रातील जनता हा इतिहास विसरलेली नाही आणि विश्वासघाताचा इतिहास पुसला जाणार नाही, अशा आक्रमक शब्दांत एकनाथ शिंदे यांनी उद्धव ठाकरे यांच्यावर निशाणा साधला.

शिरूर तालुका टीम

Recent Posts

मनात विचारांचं काहूर, सतत चिडचिड होते? तुम्हालाही स्ट्रेस छळतोय ना, वाचा ४ सोपे उपाय

आपले मन आणि शरीर निरोगी असणं फार गरजेचे आहे. शारीरिक आरोग्यासह मानसिक आरोग्य जपायला हवे.…

51 मिनिटे ago

पाणी पिण्याची योग्य पद्धत

पाणी हे संपूर्ण आहारातील अतिशय महत्त्वाचा घटक असतो. शरीराचा ७० टक्के भाग हा पाण्याने व्यापलेला…

54 मिनिटे ago

सात दशकांच्या अभिनय प्रवासातील आठवणींना उजाळा; ‘चित्रपताका’मध्ये ज्येष्ठ अभिनेत्री शुभा खोटेंच्या गप्पांनी रंगली मैफल!

‘क्वीन ऑफ द कॉमेडी... गप्पा शुभा खोटेंशी!’ या विशेष मुलाखतीत उलगडला हिंदी चित्रपटसृष्टीतील सुवर्णकाळ; मेहमूद,…

1 तास ago

दुष्काळात पशुधनाला चाऱ्याचा आधार! ‘व्हीबी जी राम जी’ योजनेंतर्गत चारा लागवडीला प्रोत्साहन

मुंबई: राज्यातील दुष्काळी परिस्थितीमुळे पशुधनासाठी निर्माण होणारी चारा टंचाई दूर करण्यासाठी शासनाने महत्त्वपूर्ण निर्णय घेतला आहे.…

1 तास ago

वोटचोरीच्या मुद्द्यावर निवडणूक आयोगाला घुमजाव करावे लागले

राहुल गांधींच्या आंदोलनाचा परिणाम; आशिष शेलारांनी आधी माहिती घ्यावी, ॲड. संदेश कोंडविलकरांचा पलटवार मुंबई: लोकसभेतील…

1 तास ago

मराठी सिनेमाची ५०० कोटींच्या व्यवसायाची क्षमता; ग्रामीण महाराष्ट्रावर लक्ष केंद्रित करा

प्रवीण तरडे यांचा ‘चित्रपताका’तील परिसंवादात विश्वास; मराठी चित्रपटांच्या मार्केटिंग, निर्मिती आणि प्रेक्षकांशी तुटलेल्या नात्यावर मंथन…

1 तास ago