महिला सेनेचा ‘शिवदुर्गा-शिवसंवाद’ दौरा १५ जूनपासून

११ जिल्ह्यांतील ८३ मतदारसंघांचा संघटनात्मक आढावा

मुंबई: आगामी जिल्हा परिषद व पंचायत समिती निवडणुकांच्या पार्श्वभूमीवर शिवसेना महिला सेनेतर्फे १५ ते १६ जूनदरम्यान राज्यव्यापी ‘शिवदुर्गा-शिवसंवाद’ दौरा आयोजित करण्यात आला आहे. महिला सेनेच्या वरिष्ठ नेत्या तीन स्वतंत्र टीमद्वारे ११ जिल्ह्यांतील ८३ विधानसभा मतदारसंघांचा दौरा करून संघटनात्मक आढावा घेणार आहेत.

बाळासाहेब भवन येथे आयोजित पत्रकार परिषदेत शिवसेना नेत्या मीनाताई कांबळी यांनी या दौऱ्याची माहिती दिली. यावेळी आमदार डॉ. मनिषा कायंदे, खासदार डॉ. ज्योती वाघमारे, शायना एन.सी. आणि शीतल म्हात्रे उपस्थित होत्या.या दौऱ्यात महिला सेनेच्या शाखा, उपशाखा, विभाग, तालुका व जिल्हास्तरीय संघटनात्मक नियुक्त्यांचा आढावा घेतला जाणार असून नव्याने पक्षात दाखल झालेल्या कार्यकर्त्यांनाही संघटनेत स्थान देण्याबाबत चर्चा होणार आहे.

महिला नेतृत्वाला अधिक बळकटी देणे, आगामी निवडणुकांसाठी संघटना सक्षम करणे आणि महिला कार्यकर्त्यांशी थेट संवाद साधणे हा दौऱ्याचा मुख्य उद्देश असल्याचे नेत्यांनी सांगितले. दौऱ्याचा सविस्तर अहवाल उपमुख्यमंत्री Eknath Shinde आणि खासदार Dr. Shrikant Shinde यांच्याकडे सादर करण्यात येणार आहे.