भंडारा: सकल ओबीसी महामोर्चाच्या वतीने आयोजित मंडल यात्रा २०२६ ला आज भंडारा येथून उत्साहात प्रारंभ झाला. काँग्रेस विधिमंडळ नेते विजय वडेट्टीवार यांनी यात्रेला हिरवा झेंडा दाखवत ओबीसी समाजाच्या हक्कांसाठी सरकारवर जोरदार टीका केली.
वडेट्टीवार म्हणाले की, मंडल आयोगाच्या शिफारशींची अंमलबजावणी आणि ओबीसी समाजाला त्यांच्या हक्कांची जाणीव करून देण्यासाठी ही यात्रा गेल्या पाच वर्षांपासून सातत्याने काढली जात आहे. ओबीसी समाजाने संघटित होऊन आपल्या अधिकारांसाठी लढण्याची ताकद निर्माण करणे हा यात्रेचा मुख्य उद्देश असल्याचे त्यांनी सांगितले.
लोकसभेतील विरोधी पक्षनेते राहुल गांधी यांनी संसदेत ओबीसी जातनिहाय जनगणनेचा मुद्दा उपस्थित केल्यानंतर केंद्र सरकारने जनगणनेची घोषणा केली. मात्र, सध्या सुरू असलेल्या जनगणनेत ओबीसींसाठी स्वतंत्र कॉलम नसल्याचा आरोप करत, दुसऱ्या टप्प्यात तो समाविष्ट केला जाईल, या सरकारी भूमिकेवर त्यांनी प्रश्नचिन्ह उपस्थित केले.
ओबीसी समाज सरकारसमोर झुकणार नाही, उलट सरकारलाच स्वतंत्र जातनिहाय जनगणनेचा कॉलम समाविष्ट करण्यास भाग पाडू, असा निर्धार त्यांनी व्यक्त केला. तसेच ही लढाई कोणत्याही पदापेक्षा मोठी असून आपण काँग्रेसचे नेते म्हणून नव्हे, तर ओबीसी समाजाचा कार्यकर्ता म्हणून संघर्ष करत असल्याचे त्यांनी स्पष्ट केले.
राज्य सरकारवर टीका करताना वडेट्टीवार यांनी ओबीसी महामंडळासाठी केवळ ५०० कोटी रुपयांची तरतूद करण्यात आल्याचा आरोप केला. महाज्योती संस्थेसाठी किमान एक हजार कोटी रुपयांचा निधी, तसेच प्रत्येक जिल्हा आणि तालुक्यात ओबीसी विद्यार्थ्यांसाठी वसतिगृहे उभारण्याची मागणी त्यांनी केली.
स्थानिक स्वराज्य संस्थांच्या निवडणुका ओबीसी आरक्षणाच्या प्रश्नामुळे रखडल्या असून त्यामुळे लाखो पदे रिक्त असल्याचा आरोपही त्यांनी केला. जातनिहाय जनगणना ही ओबीसी समाजाला शिक्षण, रोजगार, निधी आणि राजकीय प्रतिनिधित्व लोकसंख्येच्या प्रमाणात मिळवून देण्यासाठी महत्त्वाची असल्याचे सांगत त्यांनी या लढ्यात सर्व ओबीसी समाजाने सहभागी होण्याचे आवाहन केले.
या कार्यक्रमाला सकल ओबीसी महामोर्चाचे मुख्य समन्वयक उमेश कोराम, काँग्रेस जिल्हाध्यक्ष मुकुंद साखरकर यांच्यासह विविध ओबीसी संघटनांचे पदाधिकारी आणि हजारो कार्यकर्ते उपस्थित होते. ही मंडल यात्रा विदर्भातील ११ जिल्ह्यांतून मार्गक्रमण करत ९ ऑगस्ट रोजी चंद्रपूर येथे समारोप होणार आहे.
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…
महायुती सरकारवर काँग्रेस प्रदेशाध्यक्षांचा जोरदार हल्लाबोल; ‘गोकुळ’वर कब्जा करण्याचा सरकारचा डाव असल्याचा आरोप मुंबई: राज्यातील…