मुंबई: राष्ट्रवादी काँग्रेसच्या विलीनीकरणाच्या चर्चेला पुन्हा एकदा जोर चढला असताना पक्षांतर्गत राजकारण तापलेले दिसत आहे. रोहित पवार आणि सुप्रिया सुळे यांनी विलीनीकरणाच्या मुद्द्यावर भाष्य करत राजकीय वर्तुळात चर्चा रंगवली. शरद पवार गटातील काही नेत्यांनीही या भूमिकेला पाठिंबा दिल्याने या विषयावर अधिकच खळबळ उडाली आहे.
मात्र, या सर्व घडामोडींमध्ये उपमुख्यमंत्री सुनेत्रा पवार यांनी मौन बाळगल्याचे दिसून येत आहे. विलीनीकरणाच्या वादावर त्यांनी कोणतीही प्रतिक्रिया दिलेली नाही. तसेच पार्थ पवार आणि जय पवार यांनीही या विषयावर सार्वजनिक भूमिका स्पष्ट केलेली नाही.
दरम्यान, सुनेत्रा पवार यांनी नुकतीच दिल्ली भेट देत पंतप्रधान नरेंद्र मोदी आणि केंद्रीय गृहमंत्री अमित शाह यांची भेट घेतली. त्यानंतर त्यांनी पुणे जिल्हा वार्षिक नियोजन आराखड्याच्या बैठकीत सहभाग घेतला. पुढे ‘वर्षा’ बंगल्यावर मुख्यमंत्री देवेंद्र फडणवीस यांची भेट घेऊन पश्चिम महाराष्ट्रातील सांगली, सातारा, सोलापूर, कोल्हापूर आणि पुणे जिल्ह्यांच्या संयुक्त वार्षिक आराखड्याच्या बैठकीत त्या सहभागी झाल्या.
राजकीय पातळीवर विलीनीकरणाच्या चर्चांना उधाण आलेले असतानाही सुनेत्रा पवार यांनी विकासकामांवर लक्ष केंद्रित केल्याचे चित्र दिसत आहे. त्यांच्या मौनामुळे राजकीय वर्तुळात विविध तर्क-वितर्कांना उधाण आले असून पुढील काही दिवसांत या विषयावर अधिक स्पष्टता येण्याची शक्यता व्यक्त केली जात आहे.
शिरुर (तेजस फडके) चिंचणी (ता. शिरुर) शिरूर आणि श्रीगोंदा तालुक्यातील शेतीसाठी जीवनदायिनी ठरलेल्या चिंचणी (ता.…
पिंपरी-चिंचवड : वाढत्या पिंपरी-चिंचवड शहराच्या सुरक्षिततेचा पाया अधिक मजबूत करण्यासाठी पोलीस दलाच्या आधुनिकीकरणाला राज्य सरकारने…
थोरात, हंडोरे, नसीम खान यांच्यासह चौघांची समिती; तीन आठवड्यांत अहवाल सादर होणार मुंबई: नागपूर पदवीधर,…
मुंबई: महाराष्ट्रात काँग्रेस पक्षाचे संघटन अधिक मजबूत करण्यासाठी प्रदेश नेतृत्वाने आता नियोजनबद्ध पावले उचलण्यास सुरुवात…
शिरूर (अरुणकुमार मोटे): मलठण (ता. शिरूर) येथील मलठण-शिक्रापूर रस्त्यावरील एकनाथ दंडवते यांच्या घरावर रात्री सुमारे…
अनेक वेळा रक्ताच्या कमतरतेमुळे थकवा येणे, अशक्तपणा, त्वचा पिवळी पडणे, हात-पाय सुजणे इत्यादी एनिमियाचे लक्षण…