पैठण: नाथषष्ठी उत्सवानिमित्त पैठण येथे पारंपरिक ‘नाथांचा रांजण भरणे’ हा धार्मिक सोहळा शनिवारी मोठ्या भक्तिभावात पार पडला. भाविकांनी गोदावरी नदीतून पवित्र जल आणून संत एकनाथ महाराजांच्या वाड्यातील पवित्र रांजण भरत शतकानुशतके चालत आलेली परंपरा यंदाही जपली.
परंपरेनुसार भगवान श्रीकृष्ण परमात्म्याने ‘श्रीखंड्या’ या रूपात तब्बल १२ वर्षे संत एकनाथ महाराजांच्या सेवेत राहून गोदावरीचे पाणी आणून रांजण भरण्याचे कार्य केले, अशी आख्यायिका सांगितली जाते. त्या स्मृती जागवत दरवर्षी नाथषष्ठीनिमित्त भाविक गोदावरीचे पाणी घागरीत भरून आणतात आणि संत एकनाथ महाराजांच्या वाड्यातील रांजण भरतात.
यंदा हा पवित्र रांजण शनिवारी सकाळी ७.५० वाजता संतोष विठ्ठलराव कुलकर्णी (रा. पैठण) यांच्या घागरीतील गोदावरीच्या पाण्याने भरला. रांजण भरताच उपस्थित भाविकांनी जयघोष करत आनंद व्यक्त केला. ही बातमी वाऱ्यासारखी पैठण शहर व परिसरात पसरताच नाथ भक्तांनी एकमेकांना आलिंगन देत संत एकनाथ महाराज व भगवान श्रीखंड्याचा जयजयकार केला.
यावेळी नाथवंशज रघुनाथबुवा नारायणबुवा गोसावी पालखीवाले यांनी संतोष कुलकर्णी यांचे ‘श्रीखंड्या’ अर्थात श्रीकृष्णाचे रूप मानून त्यांचे विधीवत पूजन केले. नाथषष्ठीच्या पारंपरिक विधींनुसार हा सोहळा अत्यंत भक्तिमय वातावरणात पार पडला.
दरवर्षीप्रमाणे यंदाही पैठणमध्ये नाथषष्ठीनिमित्त विविध धार्मिक कार्यक्रमांचे आयोजन करण्यात आले असून राज्यभरातून हजारो भाविक येथे दाखल झाले आहेत. संत एकनाथ महाराजांच्या वाड्यातील रांजण भरण्याचा सोहळा नाथषष्ठी उत्सवातील प्रमुख धार्मिक परंपरांपैकी एक मानला जातो.
दरम्यान, रांजणाला सुशोभित चांदीचा पत्रा बसवून रांजणातील पाणी कायमस्वरूपी शुद्ध राहील अशी व्यवस्था करावी, अशी मागणी वारकरी व नाथ भक्तांनी केली आहे. तसेच गावातील नाथ मंदिरात तुकाराम बीजेपासून पुरोहित रवींद्र साळजोशी यांचे नाथ चरित्रावरील प्रवचन सुरू असून ते ८ मार्चपर्यंत चालणार आहे.
नाथषष्ठीत सहभागी होण्यासाठी लाखो भाविक पैठणकडे येत असून हजारो वाहनेही शहरात दाखल होत आहेत. दिंड्यांमधील भाविकांसाठी अन्नदान व स्वयंपाक करताना गॅस टाक्यांचा काळजीपूर्वक वापर करावा, तसेच पैठण व परिसरातील पेट्रोल पंपांवर वाहनांना पेट्रोल-डिझेलचा सुरळीत पुरवठा व्हावा, अशी उपाययोजना जिल्हाधिकारी व तहसील प्रशासनाने करावी, अशी मागणीही करण्यात आली आहे
शिरूर : शिरूर तालुक्यातील वरूडे गावात घराबाहेर झोपलेल्या व्यक्तीच्या निर्घृण हत्येचा उलगडा अवघ्या 36 तासांत…
मुंबई : मराठा समाजातील विद्यार्थ्यांना शैक्षणिक सवलती, शेतकऱ्यांसाठी कर्जमाफी आणि नाशिक कुंभमेळ्यानिमित्त तपोवन विकासासाठी आर्थिक…
नागपूर: महायुती सरकारने जाहीर केलेली शेतकरी कर्जमाफी ही सरसकट नसून अनेक जाचक अटी-शर्तींनी युक्त असल्याने…
मुंबई: अखिल भारतीय मराठी चित्रपट महामंडळाच्या २०२६ ते २०३१ या पंचवार्षिक कार्यकाळासाठी झालेल्या निवडणुकीत निर्माता…
मुंबई: "नेत्रदान हे मानवतेचे श्रेष्ठदान असून एका व्यक्तीच्या नेत्रदानामुळे दृष्टीहीनांच्या आयुष्यात नवी पहाट निर्माण होऊ…
षण्मुखानंद सभागृहात दुपारी २ वाजता होणार कार्यक्रम; संघटन विस्ताराला प्राधान्य मुंबई: पंतप्रधान नरेंद्र मोदी यांनी १०…