पुणे: राज्यात सुरू असलेल्या मुसळधार पावसामुळे पुणे–मुंबई द्रुतगती मार्ग (एक्सप्रेसवे) आणि जुना पुणे–मुंबई महामार्ग या दोन्ही मार्गांवरील वाहतूक गंभीरपणे विस्कळीत झाली आहे. भूस्खलन आणि पूरसदृश परिस्थितीमुळे पुढील आदेशापर्यंत दोन्ही दिशांतील (पुणे–मुंबई व मुंबई–पुणे) वाहतूक बंद करण्यात आली आहे.
प्रशासनाने नागरिकांना अत्यावश्यक कारणाशिवाय पुणे–मुंबई दरम्यानचा प्रवास टाळण्याचे आवाहन केले आहे. तसेच वाहतूक पोलिस आणि संबंधित यंत्रणांकडून वेळोवेळी जारी करण्यात येणाऱ्या सूचना व अद्ययावत माहितीकडे लक्ष देण्याचे आवाहनही करण्यात आले आहे.
मावळ आणि ताम्हिणी घाट परिसरात मुसळधार पावसामुळे अनेक ठिकाणी पूरसदृश परिस्थिती निर्माण झाली असून, पुण्याहून मुंबईकडे जाणारे काही पर्यायी मार्गही बंद झाले आहेत. त्यामुळे प्रवाशांनी कोणताही प्रवास करण्यापूर्वी रस्त्यांची सद्यस्थिती जाणून घ्यावी, असे प्रशासनाने स्पष्ट केले आहे.
दरम्यान, पुणे–मुंबई द्रुतगती मार्गावरील ‘कनेक्टिंग लिंक’ आणि ‘मिसिंग लिंक’ दरम्यान काँक्रीटचा खांब कोसळल्याने हा मार्ग वाहतुकीसाठी बंद करण्यात आला आहे. तर जुन्या पुणे–मुंबई महामार्गावर अनेक ठिकाणी पाणी रस्त्यावरून वाहत असल्याने तेथील वाहतूकही पूर्णपणे बंद करण्यात आली आहे.प्रशासनाकडून परिस्थितीवर सातत्याने लक्ष ठेवण्यात येत असून, मार्ग सुरक्षित झाल्यानंतरच वाहतूक पुन्हा सुरू करण्यात येणार असल्याचे सांगण्यात आले आहे.
आशिष शेलार यांच्या हस्ते ‘बी सायबर स्ट्रीट स्मार्ट’ मोहिमेचा शुभारंभ; एआय फसवणूक, डीपफेक, डिजिटल अटकसह…
मुंबई: जातीव्यवस्थेने समाजात जाती-जातींमध्ये संघर्ष निर्माण केला असून, या व्यवस्थेत ओबीसी समाजाला खालचे स्थान देऊन त्यांचा…
मुंबई, दि. ५ ऑक्टोबर २०२६ : आदिवासी विद्यार्थ्यांच्या मागण्यांसाठी सुरू असलेल्या आंदोलनाला ४८ दिवस उलटले…
मुंबई: आदिवासी विद्यार्थ्यांना आश्रमशाळांमध्ये मूलभूत सुविधा, दर्जेदार जेवण आणि पिण्याचे पाणी मिळत नसल्याच्या प्रश्नावर नाशिक ते…
मुंबई: जीवघेण्या संकटाच्या क्षणी स्वतःचा जीव धोक्यात घालून विमानातील १७४ प्रवाशांचे प्राण वाचविणारे कॅप्टन स्मित…
मध्यरात्री काँग्रेस कार्यालयात पोलिसांची कारवाई; सपकाळ, गायकवाड, भाई जगताप यांचा सरकारवर हल्लाबोल मुंबई: नाशिकपासून मुंबईपर्यंत…