डिलाईल रोड बीडीडी चाळ रहिवासी शिंदे- फडणवीस सरकारचा विरुद्ध आक्रमक

मुंबई: डिलाईल रोड येथील बिडीडी १३ व १५ मधील रहिवाशांना म्हाडाच्या माध्यमातून ना. म. जोशी मार्ग येथील बदामी बोहरी चाळीतली म्हाडाच्या ताब्यातील घरे देण्यासाठी निर्णय घेण्यात आला होता. परंतु आमदार आशिष शेलार यांनी उपमुख्यमंत्र्यांच्या माध्यामतून म्हाडा प्रशासनावर दबाव आणून हा निर्णय बदलवून घेतला. यामुळे बीडीडी चाळीतील रहिवासी आक्रमक झाले असून यानिर्णयामुळे बीडीडी चाळ पुनर्विकास प्रकल्पास उशीर होणार आहे.

शिंदे फडणवीस सरकारच्या या अन्यायकारक निर्णयाबाबत काल रविवार (दि. १८) जून रोजी साय ६.०० वाजता सर्व रहिवासी सरकार विरोधात मोर्चा काढून जाहीर निषेध केला असून या मोर्चात आमदार आदित्यजी ठाकरे यांच्या सूचनेनुसार शिवसेना (उबाठा) चे आमदार सुनिल शिंदे, विभागप्रमुख आशिष चेंबुरकर, किशोरी पेडणेकर, शाखाप्रमुख दिपक बागवे, गोपाळ खाडे व अनेक शिवसैनिक रहिवाशांच्या समर्थनार्थ सहभागी होणार आहेत