महाराष्ट्र

शहरांच्या बकालपणाला सरकारच जबाबदार; काँग्रेसचा ‘शहर परिवर्तन गट’ २० ऑगस्टपासून मैदानात

मुंबई: राज्यात झपाट्याने वाढणाऱ्या शहरीकरणाच्या तुलनेत पायाभूत सुविधा निर्माण करण्यात सरकार व महापालिका प्रशासन अपयशी ठरले आहे. योग्य नियोजनाअभावी राज्यातील अनेक शहरे बकाल होत असून नागरिकांना रस्ते, पिण्याचे शुद्ध पाणी, आरोग्य, शिक्षण, कचरा व्यवस्थापन, वाहतूक कोंडी, पार्किंग आणि प्रदूषण यांसारख्या समस्यांना सामोरे जावे लागत आहे, असा आरोप महाराष्ट्र प्रदेश काँग्रेस कमिटीने केला आहे.

शहर विकासाच्या नावाखाली कोट्यवधी रुपयांचा निधी खर्च केला जात असला, तरी शहरांच्या मूलभूत गरजा अद्यापही पूर्ण झालेल्या नाहीत, असा दावा काँग्रेसने केला आहे. या पार्श्वभूमीवर शहरांच्या गरजा समजून घेऊन नियोजनबद्ध विकासासाठी महाराष्ट्र प्रदेश काँग्रेस कमिटीने ‘शहर परिवर्तन गट’ स्थापन केला आहे.

या मोहिमेचे उद्घाटन २० ऑगस्ट रोजी राज्यातील सर्व महानगरपालिका क्षेत्रांत करण्यात येणार आहे. माजी पंतप्रधान स्व. राजीव गांधी यांच्या जयंतीनिमित्त जिल्हा काँग्रेस कमिटीच्या वतीने महानगरपालिका क्षेत्रांमध्ये पत्रकार परिषदा घेण्यात येणार असून, यावेळी ‘शहर परिवर्तन गटाच्या’ आगामी कार्यक्रमाची रूपरेषा जाहीर केली जाणार आहे.

या गटाच्या अध्यक्षपदी अखिल भारतीय काँग्रेस कमिटीचे सचिव, तेलंगणाचे सहप्रभारी आणि वरिष्ठ प्रवक्ते सचिन यांची नियुक्ती करण्यात आली आहे. तर संग्राम खोपडे यांच्याकडे गटाच्या समन्वयकपदाची जबाबदारी देण्यात आली आहे.

शहरांमधील नागरिकांच्या समस्या जाणून घेणे, त्यावर उपाययोजना सुचवणे आणि शहर विकासासाठी ठोस पर्याय मांडणे, या उद्देशाने ‘शहर परिवर्तन गट’ काम करणार असल्याची माहिती महाराष्ट्र प्रदेश काँग्रेस कमिटीने दिली आहे.

शिरूर तालुका टीम

Recent Posts

जलद गतीच्या व्यायामांमुळे रक्तातील साखर वाढू शकते?

चालणे, योगासन करणे आणि जास्त हालचालींचे बहुतेक प्रकार शरीराला ग्लुकोजचे चांगले नियमन करण्यास मदत करतात.…

1 तास ago

घरच्या घरी ब्लड प्रेशर कसे तपासावे

सध्याच्या धावपळीच्या आयुष्यात आपण आरोग्याकडे आणि आहाराकडे दुर्लक्ष करतो, त्यामुळे अनेक आरोग्याच्या समस्या वाढताना दिसत…

1 तास ago

मनात विचारांचं काहूर, सतत चिडचिड होते? तुम्हालाही स्ट्रेस छळतोय ना, वाचा ४ सोपे उपाय

आपले मन आणि शरीर निरोगी असणं फार गरजेचे आहे. शारीरिक आरोग्यासह मानसिक आरोग्य जपायला हवे.…

14 तास ago

पाणी पिण्याची योग्य पद्धत

पाणी हे संपूर्ण आहारातील अतिशय महत्त्वाचा घटक असतो. शरीराचा ७० टक्के भाग हा पाण्याने व्यापलेला…

14 तास ago

थापाडे कोण, हे महाराष्ट्राला ठाऊक! एकनाथ शिंदेंचा उद्धव ठाकरेंवर घणाघात

अमित शाह यांच्यावरील टीकेला शिंदेंचे प्रत्युत्तर; शेतकरी प्रश्नांवरूनही विरोधकांना सुनावले मुंबई : केंद्रीय गृहमंत्री अमित शाह…

15 तास ago

सात दशकांच्या अभिनय प्रवासातील आठवणींना उजाळा; ‘चित्रपताका’मध्ये ज्येष्ठ अभिनेत्री शुभा खोटेंच्या गप्पांनी रंगली मैफल!

‘क्वीन ऑफ द कॉमेडी... गप्पा शुभा खोटेंशी!’ या विशेष मुलाखतीत उलगडला हिंदी चित्रपटसृष्टीतील सुवर्णकाळ; मेहमूद,…

15 तास ago