व्यापारी आणि नागरिकांनो सावधान! ‘ही’ चूक केल्यास भरावा लागेल ५ हजारांचा दंड

संभाजीनगर: छत्रपती संभाजीनगरकरांनो, सावध व्हा! शहर स्वच्छ व सुंदर ठेवण्याच्या उद्देशाने छत्रपती संभाजीनगर महापालिकेने मोठा निर्णय घेतला आहे. दुकानासमोर डस्टबिन न ठेवणाऱ्या व्यापाऱ्यांवर आता थेट 5 हजार रुपयांचा दंड ठोठावण्यात तर येणारच आहे, पण सार्वजनिक ठिकाणी, दुभाजकात किंवा चौकात कचरा फेकणाऱ्यांवरही जबर दंड आकारला जाणार आहे.

डस्टबिन नसेल तर दंडात्मक कारवार्ड

शहरातील प्रत्येक त्याच्या दुकानासमोर डस्टबिन न ठेवल्यास व्यावसायिकांना 5,००० रुपयांचा दंड भरावा लागणार आहे. ही कारवाई थेट केली जाणार असून कोणतीही तडजोड नसेल.

सार्वजनिक ठिकाणी कचरा टाकणाऱ्यांनाही नाही सूट

रस्त्यावर, दुभाजकावर किंवा चौकात कचरा टाकणाऱ्यांवरही महापालिका थेट दंड आकारणार आहे.

‘सिंगल युज प्लास्टिक’ पूर्णपणे बंद

महापालिकेने पर्यावरण रक्षणासाठी सिंगल युज प्लास्टिकवर बंदी घातली असून, दुकानदारांनी पर्यावरणपूरक पर्याय वापरण्याचे आवाहन केले आहे.

स्वच्छता निरीक्षक आणि नागरी मित्रांचा कडक पाहणी मोर्चा सुरू

महानगरपालिका उपायुक्त नंदकिशोर भोंबे यांच्या नेतृत्वात ही मोहीम राबवली जात असून शहरातील १० झोनमध्ये स्वच्छता निरीक्षक आणि नागरी मित्र (माजी सैनिकांचा समावेश) पथक सक्रिय झाले असून, नियमभंग करणाऱ्यांवर तात्काळ दंड ठोठावले जात आहेत.

शहर स्वच्छ ठेवण्याची जबाबदारी आपली सगळ्यांची आहे.

डस्टबिन वापरा, कचरा जागच्या जागीच टाका आणि प्लास्टिकला ‘नाही’ म्हणूया आपलं शहर सुंदर आणि स्वच्छ ठेवण्यासाठी पुढाकार घेऊया.