मुंढेंच्या वक्तव्याने नागपुरात संताप; आहारतज्ज्ञांनीही तेलाचे प्रमाण कमी ठेवण्याचा दिला सल्ला
मुंबई: अन्न व औषध प्रशासन विभागाचे आयुक्त तुकाराम मुंढे यांनी सावजी मटणाबाबत केलेल्या वक्तव्यामुळे नागपुरात नवा वाद निर्माण झाला आहे. “सावजी जेवण माझ्यासारख्या माणसाने खाल्ले तर किमान महिना भर रुग्णालयात जावे लागेल” तसेच “अतितेलकट आणि तिखट अन्नामुळे हृदयविकाराचा धोका वाढतो” असे विधान त्यांनी केले होते. या वक्तव्यावर सावजी हॉटेल चालक आणि सावजी समाजाने तीव्र नाराजी व्यक्त केली आहे.
नागपुरातील सावजी हॉटेल चालकांचे म्हणणे आहे की, सावजी हा केवळ खाद्यपदार्थ नसून नागपूरची ओळख आणि परंपरा आहे. शहरात सुमारे हजार सावजी भोजनालये असून दररोज हजारो नागरिक येथे जेवतात. “सावजी आरोग्यासाठी घातक असते, तर नागपुरातील रुग्णालये रुग्णांनी भरली असती,” असा दावा हॉटेल व्यावसायिकांनी केला आहे.
काही हॉटेल चालकांनी तुकाराम मुंढे यांच्यावर प्रसिद्धीसाठी अशी विधाने केल्याचा आरोप करत त्यांच्या वक्तव्याचा निषेध केला. तसेच त्यांनी मुंढेंना मूळ पारंपरिक पद्धतीने तयार केलेले सावजी जेवण चाखण्याचेही निमंत्रण दिले आहे.
दरम्यान, सावजी समाजाने मुंढे यांनी सार्वजनिक माफी मागावी, अन्यथा त्यांच्याविरोधात मानहानीचा दावा दाखल करण्याचा इशारा दिला आहे. त्यांच्या वक्तव्यामुळे सावजी ब्रँड आणि या व्यवसायाशी संबंधित समाजाची प्रतिमा मलीन होत असल्याचा आरोप समाजाच्या प्रतिनिधींनी केला आहे.
दुसरीकडे, काही जणांनी मुंढे यांच्या निरीक्षणात काही तथ्य असल्याचेही म्हटले आहे. सावजीच्या नावाखाली अनेक ठिकाणी अतिप्रमाणात तेल आणि तिखट वापरले जात असल्याने मूळ चव आणि गुणवत्ता बिघडत असल्याची टीका केली जात आहे.
आहारतज्ज्ञ स्नेहा झावर यांनीही यावर प्रतिक्रिया देताना सांगितले की, सावजी मसाल्यातील मसाले आरोग्यासाठी लाभदायक असले तरी तेलाचे प्रमाण नियंत्रित ठेवणे आवश्यक आहे. योग्य प्रमाणात आणि संतुलित पद्धतीने तयार केलेले सावजी पदार्थ आरोग्यदायी ठरू शकतात, असे त्यांनी स्पष्ट केले.
सावजी खाद्यसंस्कृती ही मध्य भारतातील हलबा-कोष्टी समाजाची पारंपरिक देणगी मानली जाते. खास मसाला, भाजण्याची पद्धत आणि वैशिष्ट्यपूर्ण चव यामुळे सावजी मटण, चिकन, खिमा, कलेजी, तर्री पोहे आणि अनेक शाकाहारी पदार्थांना देशभरात वेगळी ओळख मिळाली आहे.
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…
महायुती सरकारवर काँग्रेस प्रदेशाध्यक्षांचा जोरदार हल्लाबोल; ‘गोकुळ’वर कब्जा करण्याचा सरकारचा डाव असल्याचा आरोप मुंबई: राज्यातील…