Video : गौतमी पाटील हिने बैलासमोर धरला ठेका; कारण…

पुणे : नृत्यांगणा गौतमी पाटील ही गेल्या काही दिवसांपासून जोरदार चर्चेत आहे. तिच्या अनेक कार्यक्रमात प्रेक्षकांनी राडा घातल्याच्या देखील घटना घडल्या आहेत. पण, आता गौतमी पाटील ही एका वेगळ्याच कारणामुळे चर्चेत आली असून, तिचा एक व्हिडीओ तुफान व्हायरल होत आहे. ज्यामध्ये ती बैलासमोर नाचताना दिसत आहे.

मुळशीतील एका राष्ट्रवादी काँग्रेस नेत्याच्या मुलाच्या लग्नानिमित्त आयोजित मांडव टिळा कार्यक्रमातील हा व्हिडीओ असल्याचे समोर आले आहे. लग्नानिमित्त आयोजित मांडव टिळा कार्यक्रमात चक्क बैलासमोर गौतमी पाटील नाचत असल्याचे व्हिडीओमध्ये दिसत आहे. कारण, पूर्वीच्या काळी लग्नाआधी दाराबाहेर मांडव घालण्याची प्रथा होती, त्या मांडवात नवऱ्या मुलाची वाजत गाजत बैलगाडीतून मिरवणूक येत असे. हीच परंपरा कायम ठेवण्यासाठी मिरवणूक न काढता गीतांचा कार्यक्रम ठेवला आणि बैलगाड्याचं प्रतीक म्हणून घरातील बैल कार्यक्रम स्थळी उभा केल्याचे आयोजकाने म्हटले आहे.

गौतमी बैलासमोर नाचते म्हंटल्यावर ते बघायला हजारोच्या संख्येने नागरिकही जमा झाले होते. हा व्हिडीओ सोशल मीडियावर प्रचंड व्हायरल झाला नाहे. नेटिझन्स व्हिडिओ पाहून प्रतिक्रिया नोंदवत आहेत.

दरम्यान, गौतमी पाटील हिचा प्रत्येक कार्यक्रम हा सध्या चर्चेचा विषय बनत आहे, तिच्या अनेक कार्यक्रमामध्ये तरुणाईने गोंधळ घातल्याचा, राडा केल्याचे व्हिडीओ व्हायरल झाले आहेत. आता गौतमी पाटील चक्क बैलासमोर नाचत असल्याचा व्हिडीओ व्हायरल झाल्यामुळे ती पुन्हा एकदा चर्चेत आली आहे.