अंगारक संकष्ट चतुर्थी निमित्त श्री महागणपतीला फुलांची आकर्षक सजावट

रांजणगाव गणपती (किरण पिंगळे ) शिरुर तालुक्यातील रांजणगाव गणपती हे अष्टविनायका मधील आठवे स्थान असुन या महागणपतीचा लौकिक सर्व महाराष्ट्रात नवसाला पावणारा गणपती म्हणुन आहे. आज मंगळवार (दि 13) रोजी अंगारक संकष्ट चतुर्थी निमित्त पहाटे 5 वाजता अभिषेक करुन मंदिर भाविकांसाठी खुले करण्यात आले.. तसेच दुपारी 12 वाजता देवस्थान ट्रस्टच्या वतीने महापूजा व महानैवेद्य करण्यात आला. अंगारक संकष्ट चतुर्थी निमित्त गावचे प्रगतशील शेतकरी नानासाहेब दिनकरराव पाचुंदकर पाटील यांच्या वतीने मंदिर गाभाऱ्यात फुलांची आकर्षक सजावट करण्यात आली होती.

तसेच अंगारक संकष्ट चतुर्थी निमित्त भाविकांसाठी उत्तम प्रकारे जलद दर्शन व्यवस्था, खिचडी प्रसाद, पिण्याचे पाणी आदी सुविधा देवस्थान ट्रस्ट तर्फे देण्यात आल्या. तसेच श्री क्षेत्र रांजणगाव गणपती देवस्थान ट्रस्ट व अष्टविनायक ब्लड बँक यांच्या संयुक्त विद्यमाने रक्तदान शिबिर आयोजित करण्यात आले होते. यावेळी देवस्थानचे विश्वस्त डॉ. संतोष दुंडे, प्रा. नारायण पाचुंदकर, अँड. विजयराज दरेकर, व्यवस्थापक बाळासाहेब गोऱ्हे, पुजारी प्रसाद कुलकर्णी , मकरंद कुलकर्णी व देवस्थान कर्मचारी, तसेच इतर मान्यवर उपस्थित होते. रांजणगाव एमआयडीसी पोलिस स्टेशनचे पोलिस निरीक्षक बलवंत मांडगे यांच्या मार्गदर्शनाखाली चोख बंदोबस्त ठेवण्यात आला होता.