शिक्रापूर (शेरखान शेख): शिक्रापूर (ता. शिरुर) येथे कार व दुचाकी चा किरकोळ अपघात झाल्यानंतर कार चालक अपघातातील दुचाकी घेऊन फरार झाल्याची घटना घडली असल्याने शिक्रापूर पोलीस स्टेशन येथे अज्ञात कार चालकावर गुन्हे दाखल करण्यात आल्याची माहिती शिक्रापूर पोलिसांनी दिली आहे.
शिक्रापूर (ता. शिरुर) येथील तळेगाव रोड परिसरातून माधव भोसले हा एकोणीस मार्च रोजी रात्री दहा वाजण्याच्या सुमारास त्याच्या ताब्यातील एम एच ४२ एल ९९७३ या दुचाकीहून जात असताना एस टी स्थानक समोर एका स्विफ्ट कारचा दुचाकीला धक्का लागून किरकोळ अपघात होत कारचा आरसा फुटला.
दरम्यान दुचाकी चालक रस्त्यावर पडल्याने घाबरला त्यामुळे तो पळत आपल्या मित्रांकडे गेला. मात्र यावेळी कार चालक युवक व महिलेने काही युवकांना बोलावून घेत सदर ठिकाणी असलेली दुचाकी घेऊन पोबारा केला. त्यानंतर माधव भोसले सह त्याच्या सहकाऱ्यांनी अनेक ठिकाणी दुचाकीचा शोध घेतला. मात्र दुचाकी मिळून आली नाही.
याबाबत अमर हनुमानराव शिंदे (वय २४) रा. शिक्रापूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात कार चालकावर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलीस उपनिरीक्षक राजेंद्र बनकर व अमोल रासकर हे करत आहे.
शिक्रापूर येथील अपघातानंतर स्विफ्ट कार चालकाने नेलेल्या दुचाकी अथवा कार चालकाबाबत कोणालाही काही माहिती असल्यास शिक्रापूर पोलिसांशी ०२१३७२८६३३३ या क्रमांकावर संपर्क करण्याचे आवाहन शिक्रापूर पोलिसांनी केले आहे.
शिरुर (तेजस फडके) शिरुर लोकसभेचे महाविकास आघाडीचे अधिकृत उमेदवार डॉ अमोल कोल्हे यांच्या प्रचारार्थ शिरुर…
कारेगाव (तेजस फडके) रांजणगाव MIDC पोलीस स्टेशन हद्दीतील औ‌द्योगीक वसाहतीमध्ये काही ठिकाणी अवैधरीत्या गांजाची चोरुन…
शिक्रापुर (योगेश शेंडगे) शिरुर तालुक्यातील निमगाव म्हाळुंगी येथील शेतकरी संतोष सुभाष चौधरी यांनी विषारी औषध…
शिरुर (तेजस फडके) सध्या राज्यात लोकसभेची रणधुमाळी चालु असुन मोदी सरकारने शेतकऱ्यांसाठी किती चांगल्या योजना…
शिरुर (अरुणकुमार मोटे) एकीकडे दुष्काळाच्या झळा तीव्र होत असताना शिरुर तालुक्यातील पिंपरखेड येथे तहानलेल्या शेळ्या…
कान्हूर मेसाई (सुनिल जिते) सर्वत्र लोकसभेची धामधूम सुरु असताना चौथ्या टप्प्यात शिरुर लोकसभा मतदारसंघासाठी मतदान…