पंचायत समिती शिरुरमधील लिपिक सतिष भांडेकर यांचे निधन

सविंदणे (अरुणकुमार मोटे): शिरुर पंचायत समितीतील कनिष्ठ लिपिक पदावर महात्मा गांधी राष्ट्रीय ग्रामीण रोजगार हमी योजना- महाराष्ट या योजनेंतर्गत शेतकऱ्यांना गाई गोठा, विहीर, फळलावगड, शेळीपालनासाठी शेड इ. योजना प्रभावीपणे राबविणारे सतीश लक्ष्मण भांडेकर यांचे अल्पशा आजाराने दुःखद निधन झाले.

मृत्यू समयी ते ४५ वर्ष वयाचे होते. मागील 2 महिन्यांपासून ते यकृताच्या कर्करोगाने आजारावर उपचार घेत होते. त्यांच्या पश्चात पत्नी, एक मुलगा, मुलगी असा परिवार आहे. भांडेकर यांच्या निधनाबद्दल शिरुर पंचायत समितीचे गटविकास अधिकारी अजित देसाई, विस्तार अधिकारी भगवान गायकवाड, कनिष्ठ सहाय्यक दिलीप धोत्रे, कर्मचारी, आप्तेष्ट, नातेवाईक यांच्यासह शिरुर तालुक्यातील शेतकऱ्यांनी तीव्र शोक व्यक्त केला आहे.