sevadham dahihandi
शिक्रापूर: पिंपळे जगताप (ता. शिरुर) येथील सेवाधाम मतिमंद निवासी विद्यालयात गोकुळाअष्टमी निमित्ताने विशेष विद्यार्थ्यांनी मोठ्या उत्साहात दहिहंडी उत्सव साजरा केला. यावेळी एका विद्यार्थ्याने श्रीकृष्णाची वेशभूषा साकारली होती.
पिंपळे जगताप येथील सेवाधाम मतिमंद निवासी विद्यालय येथे श्रीकृष्ण जयंतीच्या निमित्ताने मुख्याध्यापक पवन कट्यारमल यांच्या माध्यमातून विशेष मुलांच्या अनोख्या दहीहंडीचे आयोजन करण्यात आले होते. दरम्यान, श्रावण या विद्यार्थ्याने श्रीकृष्णाची वेशभूषा साकारली होती. श्रावणच्या वेशभूषेने सर्वांचे लक्ष वेधून घेतले तर श्रीकृष्णासह त्याचे गोकुळातील सहकारी देखील विविध वेषभुषेसह दहिहंडी उत्सवात सहभागी झाले होते.
सर्व विद्यार्थ्यांनी गाण्यांच्या तालावर ठेका धरत नृत्य केले. आयोजित करण्यात आलेली दहिहंडी फुग्यांसह हारफुलांनी सजवून दहिहंडी मध्ये चॉकलेटस ठेवल्याने सर्व विद्यार्थी आतुर होते. श्रीकृष्णाच्या वेषभूषेतील श्रावणने दहिहंडी फोडताच सर्वांनी जल्लोष केला. सदर दहिहंडी उत्सवाकरिता शिक्षिका शुभांगी पायमोडे यांनी विशेष परिश्रम घेतले. यावेळी मुख्याध्यापक पवन कट्यारमल यांनी सर्व विद्यार्थ्यांना खाऊवाटप करत आभार मानले.
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…