शिक्रापूर: गावातील कोणतीही शासकीय इमारत, अंगणवाडी, शाळा यांसह आदी इमारती धोकादायक झाल्यास स्थानिक नागरिक ग्रामपंचायत कडे पाठपुरावा करुन इमारत दुरुस्तीची मागणी करत असतात. मात्र शिरुर तालुक्यातील खैरेनगर येथील ग्रामपंचायत इमारतच धोकादायक झाल्याची घटना समोर आली असून इमारत दुरुस्तीची मागणी करण्यात येत आहे.
खैरेनगर (ता. शिरुर) येथील ग्रामपंचायत इमारत सुमारे चाळीस वर्षापूर्वी बांधण्यात आलेली असून सध्या सदर इमारत जीर्ण व धोकेदायक झाली असून सदर इमारतीचा स्लॅब उघडा पडला आहे. खैरेनगर ग्रामपंचायतीला नवीन इमारत मिळावी यासाठी पंचायत समिती तसेच जिल्हा परिषदेकडे पाठपुरावा सुरु केला असल्याची माहिती सरपंच संदीप खैरे, उपसरपंच सतीश खैरे यांसह ग्रामविकास अधिकारी मनीषा पुंडे यांनी दिली आहे.
याबाबत बोलताना १९८३ साली सदर इमारत लोड बेरिंग पद्धतीत बांधण्यात आलेली असून या इमारतीला सध्या ३९ वर्षे पूर्ण झाल्याने इमारतीतील स्लॅबचे स्टील उघडे पडून छताचे प्लॅस्टर खाली कोसळते. छतावर पाणी साठल्यामुळे गळती होत आहे. ग्रामपंचायत इमारत जीर्ण झाल्यामुळे नवीन ग्रामपंचायत इमारत मिळावा यासाठी पंचायत समिती व जिल्हा परिषद यांच्याकडे पत्र व्यवहार करुन पाठपुरावा सुरु केला आहे. त्यामुळे जिल्हा परिषदेच्या अधिकाऱ्यांनी भेट देऊन इमारतीची पाहणी करत स्ट्रक्चरल ऑडिट करावे, असे सांगत प्रशासनाने नवीन ग्रामपंचायत इमारतीसाठी तातडीने निधी उपलब्ध करावा, अशी मागणी सरपंच खैरे यांनी केली आहे.
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…