शिरुर शहरात 16 डिसेंबर रोजी जगप्रसिद्ध आध्यात्मिक मोटीवेशनल स्पीकर ब्रह्माकुमारी शिवानी यांचं व्याख्यान

शिरुर(तेजस फडके) जगप्रसिद्ध आध्यात्मिक सकारात्मक मोटीवेशनल स्पीकर ब्रह्माकुमारी शिवानी यांचं शिरुर शहरात शिरुर बसस्थानका मागील रयत शाळेच्या मैदानावर शनिवार दि 16 डिसेंबर 2023 रोजी सकाळी 7 ते 9 यावेळेत “जिंदंगी बने आसान” या विषयावर व्याख्यान होणार असल्याची माहिती शिरुर येथील प्रजापिता ब्रम्हकुमारी ईश्वरीय विश्वविद्यालयाच्या शिरुरच्या शंकुतला बहेनजी यांनी पत्रकार परिषदेत दिली.

शिरुर येथील प्रजापिता ब्रम्हकुमारी विश्व विद्यालय आणि प्रसिद्ध उद्योजक प्रकाश रसिकलाल धारीवाल यांच्या परीवाराच्या वतीने या व्याख्यानाचे आयोजन करण्यात आले आहे. ब्रम्हाकुमारी शिवानी युट्यूब, फेसबुक, इन्स्टाग्राम, आस्था, संस्कार, पीस ऑफ माईंड तसेच अन्य टीव्ही चॅनेल वरुन विविध विषयांवर मार्गदर्शन करत असतात. राष्ट्रपतीच्या हस्ते त्यांना नारीशक्ती पुरस्कार देऊन त्यांना सन्मानित करण्यात आले आहे. हे व्याख्यान सर्वांसाठी खुले असुन इच्छुकांनी आगाऊ नावनोंदणी करणे आवश्यक असल्याचे त्यांनी सांगितले.

तसेच कार्यक्रमस्थळी शक्यतो चारचाकी मोटारी आणण्याचे टाळावे असे आवाहनही त्यांनी श्रोत्यांना केले आहे. या पत्रकार परिषदेस अर्चना बहेनजी, सुप्रिया बहेनजी, गणेश कोळपकर, प्रा. विलास आंबेकर हे उपस्थित होते.