शिक्रापुरात संत निरंकारी मंडळाकडून स्वच्छता मोहीम

शिक्रापूर (शेरखान शेख): शिक्रापूर (ता. शिरुर) येथील स्मशानभूमी, वेळ नदी व बाजार मैदानात संत निरंकारी मंडळ शिक्रापूर शाखेच्या वतीने सदगुरू सुदिक्षा माता व सतगुरू बाबा हरदेव सिंह महाराज यांच्या जन्म दिनाच्या निमित्ताने स्वच्छता मोहिमेचे आयोजन करुन परिसराची स्वच्छता करण्यात आली आहे.

शिक्रापूर (ता. शिरुर) येथील संत निरंकारी मंडळ शाखेच्या वतीने करण्यात आलेल्या स्वच्छता मोहीमचे उद्घाटन सरपंच रमेश गडदे यांच्या हस्ते करण्यात आले. यावेळी ग्रामपंचायत सदस्य त्रिनयन कळमकर, संत निरंकारी मंडळाचे अध्यक्ष जयराम सावंत, भाऊसाहेब कापरे, सेवादलचे प्रदीप नावडे, चक्रधर भुजबळ, अरुण बेंडभर, श्याम थोरात, अरुण धुमाळ, चैतन्य गांजे यांसह आदी पदाधिकारी होते.

या मोहिमेबाबत बोलताना सदगुरू सुदिक्षा माता व सतगुरू बाबा हरदेव सिंह महाराज यांच्या जन्म दिनाच्या निमित्ताने भारत देशा मध्ये 27 राज्यातील 700 शहरामध्ये एका हजार पेक्षा जास्त ठिकाणी स्वच्छ जल स्वच्छ मन या अभियानांतर्गत संत निरंकारी मिशन स्वच्छ्ता अभियान राबवले गेले असल्याचे संत निरंकारी मंडळाचे अध्यक्ष जयराम सावंत यांनी सांगितले. दरम्यान सरपंच रमेश गडदे यांनी सदर उपक्रमाचे कौतुक केले तर भाऊसाहेब कापरे यांनी सर्वांचे आभार मानले.