शिक्रापुरात ग्रंथपाल दिनानिमित्त ग्रंथपाल संतोष काळेंचा सन्मान

शिक्रापूर: शिक्रापूर (ता. शिरुर) येथे राष्ट्रीय ग्रंथपाल दिनाच्या निमित्ताने काही वाचन प्रेमी युवकांकडून राष्ट्रीय ग्रंथपाल दिन साजरा करत ग्रंथपाल संतोष काळे यांचे विशेष सन्मान करण्यात आला आहे.

शिक्रापूर (ता. शिरुर) येथील ग्रामपंचायतचे भैरवनाथ मोफत वाचनालयच्या माध्यमातून वाचक ग्रंथालयाभिमुख होण्यासाठी ग्रंथपाल संतोष काळे हे सतत नवनवीन प्रयोग व संकल्पना राबवीत असल्यामुळे शिक्रापूरसह परिसरामध्ये शिक्रापूर ग्रामपंचायतच्या ग्रंथालयास वाचकवर्ग विद्यार्थी वर्ग मोठ्या संख्येने वाढलेला असल्याने राष्ट्रीय ग्रंथपाल दिनाच्या निमित्ताने ग्रंथपाल संतोष काळे यांचे विशेष सन्मान करण्यात आला आहे.

यावेळी ग्रामपंचायत कर्मचारी बबलूभाई शेख, तुषार आळंदीकर, माणिक चव्हाण, प्रथमेश विश्वास यांसह आदी उपस्थित होते. दरम्यान ग्रंथपाल संतोष काळे यांना गुलाबपुष्प, पेन, पुस्तक देऊन विशेष सन्मान करण्यात आला. यावेळी बोलताना संतोष काळे हे अत्यंत शिस्तप्रिय, मनमिळावू ग्रंथपाल म्हणून कार्य करत असल्याच्या भावना सभासद तुषार आळंदीकर यांनी व्यक्त केल्या. यावेळी ग्रंथपाल संतोष काळे यांनी सर्वांचे आभार मानले.