Ghodganga sugar Factory
शिरुर (तेजस फडके): घोडगंगा सहकारी साखर कारखान्याने अद्यापही शेतकऱ्यांची एफआरपीची रक्कम न दिल्यामुळे कारखान्यावर कारवाई होऊ शकते, तसा कारवाईसाठीचा प्रस्ताव देखील प्रादेशिक सहसंचालक पुणे धनंजय डोईफोडे यांनी साखर आयुक्त शेखर गायकवाड यांना पाठविला आहे, अशी माहिती प्रादेशिक सहसंचालक (साखर) पुणे धनंजय डोईफोडे यांनी दिली.
घोडगंगा कारखान्याची निवडणूक तात्पुरती स्थगित झाली आहे. त्यात कारखान्याचे चेअरमन, आमदार अशोक पवार यांच्या विरोधात विरोधी गटाने दंड थोपटले आहे. दरम्यान, शेतकऱ्यांची एफआरपी थकीत असल्याने विरोधकांनी याबाबत आवाज उठवला आहे. शेतकरी सभासदांचे हक्काचे पैसे मिळत नसल्याने सातत्याने सत्ताधाऱ्यांवर विरोधी गट हल्लाबोल करत आहेत. तरी देखील अजुनपर्यंत एफआरपी देण्यात आली नाही. मात्र कारखान्यावर आता एफआरपी न दिल्याने कारवाईची टांगती तलवार आली आहे.
प्रादेशिक सहसंचालक (साखर) पुणे विभाग यांच्याकडून घोडगंगा सहकारी साखर कारखान्याने शेतकऱ्यांची एफआरपी अदा न केल्याने कारखान्याबाबत महसुली वसुली प्रमाणपत्र (RCC) निर्गमित करण्याबाबतचा शिफारस प्रस्ताव साखर आयुक्त शेखर गायकवाड यांच्याकडे पाठविण्यात आला आहे. इतिहासात प्रथमच अशा प्रकारच्या कारवाईला सामोरे जाण्याची वेळ कारखान्यावर येऊन ठेपली असून सभासदांकडुन याबाबत नाराजी व्यक्त केली जात आहे.
काय होऊ शकते कारवाई ?
कारखान्याने ‘एफआरपी’ न दिल्याने थकीत रक्‍कमेवर १५ टक्के व्याज; तसेच कारखान्याने उत्पादित केलेली साखर, मोलॅसिस आणि बगॅस यांची विक्री करून त्यामधून ‘एफआरपी’ची रक्कम वसूल करण्यात येते. आवश्यकता भासल्यास कारखान्याच्या जंगम आणि स्थावर मालमत्तेचा लिलावही केला जाऊ शकतो. या कारवाईसाठी जिल्हाधिकारी, तहसीलदार यांची नेमणूक केली जाते.
कारखान्याने आत्तापर्यंत एफआरपीची रक्कम पूर्ण केली नाही. तब्बल २५ कोटी ६८ लाख रुपये थकीत आहे. ही रक्कम शेतकऱ्यांच्या खात्यावर जमा करणे बंधनकारक असतानाही कारखान्यातील सत्ताधाऱ्यांनी याकडे दुर्लक्ष केल्याने कारखान्यावर कारवाईची वेळ आली आहे.
– माजी व्हाईस चेअरमन दादा पाटील फराटेआपल्या घोडगंगाचे चेअरमन व आमदार अशोक पवार यांच्या भ्रष्ट व मनमानी कारभारामुळे कारखान्याची बदनामी होत असुन आता पार कारखान्यावर एफआरपी न दिल्यामुळे जप्तीची वेळ येणे ही खुपच दुःखदायक गोष्ट आहे .आमदारांनी राजकारण करण्यापेक्षा सभासदांच्या कारखान्याकडे लक्ष देणे गरजेचे आहे.
– सुधीर फराटे (संचालक घोडगंगा सहकारी साखर कारखाना)
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…