शिरुर (अरुणकुमार मोटे) जांबुत (ता.शिरुर) गावच्या हद्दीतील बेल्हा-जेजुरी महामार्गावरील पंचतळे येथे गुरुवारी (दि २९) शिरुर-नारायणगाव एस टी बस च्या चालक व वाहकास मारहाण झाल्याची धक्कादायक घटना घडली आहे. याबाबत एसटी बस चालक कुंडलीक ज्ञानदेव गाडीलकर यांनी राहुल सोनवणे (रा.जांबुत) याच्या विरोधात शिरुर पोलीस ठाण्यात फिर्याद दाखल केली आहे.
जांबुत गावच्या हद्दीतील पंचतळे येथील चौकात एस टी बस थांब्यावर बस थांबवली असता एस टी बस (एम एच १४ बी टी ४२७९) मधुन प्रवासी उतरत असताना राहुल सोनवणे (पुर्ण नाव समजले नाही) याने त्याचा डंपर बसच्या समोर उभा केला. बस चालक गाडीलकर यांनी डंपर चालक राहुल सोनवणे यास डंपर बाजुला घेण्यास सांगितले असता सोनवणे याने गाडीलकर यांना शिवीगाळ करत मारहाण करुन ढकलुन दिले. त्यामुळे शासकीय कामात अडथळा निर्माण केल्याचे गाडीलकर यांनी दिलेल्या फिर्यादीत म्हटले आहे.
ग्रामीण भागात गोरगरिबांच्या सेवेसाठी अविरत सेवा देणारे एसटी महामंडळाचे चालक, वाहक यांना नित्याने ठरलेल्या मार्गावरुन प्रवास करावा लागतो. मात्र अशा मारहाणीच्या घटना घडल्याने त्यांचे मनोबल खचणार असुन दिवसेंदिवस अशा घटनांमध्ये वाढ होत असल्याचे दिसून येत आहे. शासकीय कामात अडथळा निर्माण करणाऱ्या व शासकीय कर्मचाऱ्यांना मारहाण करणाऱ्या गुन्हेगारांवर कडक कारवाई करण्याची मागणी नागरिकांमधून होत आहे.
बस चालकास मारहाण सुरु झाल्यानंतर मी मोबाईल मध्ये या घटनेची शूटिंग सुरू केली. मात्र शूटिंग चालू असल्याचे लक्षात आल्यानंतर तेथे उपस्थित असलेला स्वामी शिंदे या युवकाने माझ्याकडून मोबाईल हिसकावून घेण्याचा प्रयत्न केला. त्याच वेळी राहुल सोनवणे याने मलाही मारहाण केली असे एस टी बसचे वाहक शांताराम मारुती रासकर यांनी सांगितले.
माझ्या पायाचे ऑपरेशन झाले आहे.पायामध्ये रॉड टाकलेले असलेने मला मारहाण झाली तेव्हा मी जमिनीवर कोसळलो. मारहाण करणारा इसम हा तेथील स्थानिक असलेने उपस्थितांपैकी कुणीही मला मदत केली नाही. बस पोलीस ठाण्यात घेवून यावी लागली. यामुळे दररोज बस ने जाणाऱ्या विद्यार्थ्यांची आणि प्रवाशांची गैरसोय झाली.
कुंडलिक गाडीलकर
(एस टी बस चालक)
दुर्दैवी; शिरुर तालुक्यातील निमोणे गावात साप चावल्याने दोन वर्षाच्या मुलीचा उपचारापुर्वी मृत्यू
संतापजनक ; सात म्हशींची एकाच गाडीतुन कृरपणे वागणुक देऊन वाहतूक केल्याप्रकरणी चार जणांवर गुन्हा दाखल
शिक्रापूर (अक्षय टेमगिरे): घराचे कुलूप तोडून सोन्याचे दागिने आणि रोख रकमेसह तब्बल ४ लाख २५…
शिरूर (तेजस फडके) : आगामी दिपावळी सणाच्या पार्श्वभूमीवर शिरुर शहरातील नागरिक, व्यापारी आणि सराफ व्यावसायिकांच्या…
मोदी-शाह यांनी काँग्रेस नेत्यांबद्दल वापरलेल्या भाषेची आठवण करून देत सपकाळांचा भाजपावर निशाणा मुंबई: काँग्रेसचे राष्ट्रीय अध्यक्ष…
दुष्काळग्रस्त शेतकऱ्यांच्या पाठीशी सरकार; हरसूलमध्ये १० हजार कुटुंबांना दिवाळी शिधावाटप नाशिक: राज्यातील दुष्काळग्रस्त शेतकऱ्यांकडून सक्तीने…
उपमुख्यमंत्री एकनाथ शिंदे यांचा प्रशासनाला इशारा; नाशिक कुंभमेळ्याच्या तयारीचाही घेतला आढावा नाशिक : राज्यातील दुष्काळी…
गंगापूर रस्त्याचे भूमिपूजन; अभियांत्रिकी महाविद्यालयाच्या नवीन वसतिगृहाचे उद्घाटन नाशिक: पायाभूत सुविधा आणि शिक्षण क्षेत्रातील विकासकामांच्या माध्यमातून…