शिरुर (तेजस फडके) रामलिंग महिला उन्नती बहुउद्देशीय सामाजिक संस्थेचे कार्य हे नेहमी समाजाचा हिताचे असते. राष्ट्रवादी काँग्रेस शरदचंद्र पवार पक्षाच्या सर्व महिला भगिनींनी माझ्या वाढदिवसानिमित्त विविध उपक्रम राबवले. त्या सर्वांचे मी खुप आभार मानतो. तसेच शाळेतील मुलांनी चांगला अभ्यास करुन स्वतःचे भवितव्य घडवले पाहिजे असे प्रतिपादन शिरुर-हवेलीचे आमदार ॲड अशोक पवार यांनी केले.
शिरुर येथील जुन्या नगरपालिकेच्या कार्यालयात आमदार अशोक पवार यांच्या वाढदिवसानिमित्त घेण्यात आलेल्या भव्य निबंध, वकृत्व तसेच रांगोळी स्पर्धा यांच्या बक्षीस वितरण कार्यक्रमाचे गुरवार (दि २९) रोजी आयोजन करण्यात आले होते. यावेळी महिला भगिनींनी तुतारी हलगीच्या या पारंपरिक वाद्याच्या गजरात आमदार अशोक पवार यांचे स्वागत केले. तसेच प्रवेशदारावर औक्षण करत पुणेरी पगडी घालुन त्यांचा सत्कार केला.
छत्रपती शिवाजी महाराज, डॉ बाबासाहेब आंबेडकर, महात्मा ज्योतिबा फुले यांच्या प्रतिमेचे पुजन आणि दिपप्रज्वलन करुन या कार्यक्रमाची सुरवात करण्यात आली. यावेळी यावेळी राणी बनकर यांनी आमदार पवार यांची प्रतिमा सुंदर रांगोळीत साकारली होती. याचे आमदार पवार यांनी कौतुक केले. विशेष म्हणजे आमदार पवार यांना वाढदिवसाच्या शुभेच्छा देण्यासाठी महिला भगिनींनी लाल दिवा असलेल्या ॲम्बेसिडर गाडीच्या आकाराचा केक बनवुन आणला होता. अशोक पवार यांच्या हस्ते मंत्री पदाच्या गाडीचा केक कापुन त्यांना भावी मंत्रीपदासाठी शुभेच्छा देण्यात आल्या.
यावेळी निबंध, वक्तृत्व, तसेच रांगोळी स्पर्धेतील विजेत्यांना सन्मानचिन्ह आणि प्रमाणपत्राचे वितरण करण्यात आले. तसेच देशाच्या रक्षणासाठी अहोरात्र झटणाऱ्या शिरुर तालुक्यातील १२० माजी सैनिकांना सन्मानचिन्ह देऊन गौरविण्यात आले. कार्यक्रमाला उपस्थित असणाऱ्या पत्रकारांचाही विशेष सन्मान करण्यात आला. या कार्यक्रमाचे प्रास्ताविक रामलिंग महिला उन्नती बहुउद्देशीय सामाजिक संस्थेच्या अध्यक्षा राणी कर्डिले यांनी तर सुत्रसंचालन रावसाहेब चक्रे यांनी आणि आभार गिता आढाव यांनी मानले.
यावेळी राष्ट्रवादी काँग्रेस शरदचंद्र पवार पक्षाचे युवक जिल्हाध्यक्ष स्वप्नील गायकवाड, युवक तालुकाध्यक्ष तुषार दसगुडे, जिल्हा उपाध्यक्ष शामकांत वर्पे, युवक जिल्हा उपाध्यक्ष सुभाष गोरे, युवकचे तालुका उपाध्यक्ष केशव शिंदे, नगरसेवक रविंद्र ढोबळे, सरपंच गोविंद कुरुंदळे, शिरुर ग्रुप सोसायटीचे संचालक शरद पवार, चेअरमन अप्पा वर्पे, महिला दक्षता समितीच्या शोभना पाचंगे, साधना पतसंस्थेच्या अध्यक्षा साधना शितोळे, राष्ट्रवादीच्या युवती तालुकाध्यक्षा संगीता शेवाळे, शिरुर शहर अध्यक्षा डॉ स्मिता कवाद, डॉ सेल अध्यक्षा डॉ स्मिता बोरा, अश्विनी जाधव तसेच सर्व आजी-माजी पदाधिकारी उपस्थित होते.
दुर्दैवी; शिरुर तालुक्यातील निमोणे गावात साप चावल्याने दोन वर्षाच्या मुलीचा उपचारापुर्वी मृत्यू
शिरुर-तांदळी रस्त्यावर गुनाटजवळ अज्ञात वाहनाच्या धडकेत बिबट्या ठार
नागपूर : नागपूर येथे आंदोलनादरम्यान युवक काँग्रेसचे अध्यक्ष शिवराज मोरे यांच्यावर झालेल्या हल्ल्याचे पडसाद उमटले…
मुंबई : महाराष्ट्रातील अभियांत्रिकी आणि पॉलिटेक्निक विद्यार्थ्यांची कौशल्य क्षमता, रोजगारक्षमता आणि उद्योगसज्जता वाढविण्यासाठी उद्योगाभिमुख प्रशिक्षण,…
मुंबई: डॉ. बाबासाहेब आंबेडकर तंत्रशास्त्र विद्यापीठ, लोणेरे (DBATU) अंतर्गत विद्यार्थ्यांच्या तक्रारी आणि शैक्षणिक समस्यांचे जलद,…
मुंबई: विद्यार्थ्यांच्या नवकल्पना, संशोधन आणि उद्योजकतेला व्यापक संधी उपलब्ध करून देत महाराष्ट्राची स्टार्टअप परिसंस्था अधिक सक्षम…
मुंबई : लाडक्या बाप्पाच्या आगमनाला अवघे काही दिवस शिल्लक राहिल्याने मुंबईत गणेशोत्सवाची लगबग अंतिम टप्प्यात…
लंडन: ब्रिटनच्या संसद भवनातील वरिष्ठ सभागृह असलेल्या हाऊस ऑफ लॉर्ड्समध्ये गुरुवारी ‘जय महाराष्ट्र’चा निनाद घुमला. महाराष्ट्राचे…