शिरुर तालुक्यात एका व्यक्तीची गळफास घेऊन आत्महत्या

शिक्रापूर: कासारी (ता. शिरुर) येथील पंडित सातपुते हा व्यक्ती घरात असताना घराचा दरवाजा आतून बंद होता त्यामुळे त्याची पत्नी कल्पना सातपुते हिने घरात पाहिले असता पंडित वेगळीच हालचाल व धडपड करताना दिसून आला. त्यामुळे तिने शेजारी राहणाऱ्या व्यक्तीना याबाबत आवाज देऊन सांगितले. यावेळी येथील लोकांनी खिडकीतून पाहिले असता पंडित कोंडीबा सातपुते (वय ३५) रा. कासारी (ता. शिरुर) जि. पुणे याने घरात गळफास घेतल्याचे दिसून आले.

याबाबत जिजाबा ग्यानबा सातपुते (वय ७१) रा. कासारी (ता. शिरुर) जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी आकस्मात मृत्यूची नोंद केली मात्र पंडित याच्या आत्म्हत्येबाबत वेगवेगळे तर्कवितर्क बोलले जात असून पुढील तपास पोलीस हवालदार अमोल चव्हाण हे करत आहे.