तळेगाव ढमढेरे गुजर प्रशालेच्या बावीस विद्यार्थ्यांना शिष्यवृत्ती

राष्ट्रीय शिष्यवृत्तीस आठ व सारथीसाठी चौदा विद्यार्थी लाभार्थी

शिक्रापूर (शेरखान शेख): तळेगाव ढमढेरे (ता. शिरुर) येथील स्वातंत्र्यसैनिक रायकुमार बी गुजर जिल्हा परिषद प्राथमिक शाळेतील विद्यार्थ्यांनी शिष्यवृत्ती परीक्षेत यश संपादित केले असून राष्ट्रीय शिष्यवृत्ती परीक्षेत 8 तर सारथी शिष्यवृत्ती परीक्षेत 14 विद्यार्थी पात्र ठरलेले असताना यापैकी राष्ट्रीय शिष्यवृत्तीतील विद्यार्थ्यांना 5 वर्षे दरवर्षी 12 हजार तर सारथी शिष्यवृत्तीतील विद्यार्थ्यांना 4 वर्षे दरवर्षी 9 हजार 600 रुपये शिष्यवृत्ती मिळणार असल्याची माहिती मुख्याध्यापिका सुवर्णा चव्हाण यांनी दिली आहे.

तळेगाव ढमढेरे (ता. शिरुर) येथील स्वातंत्र्यसैनिक रायकुमार बी गुजर जिल्हा परिषद प्राथमिक शाळेतील विद्यार्थ्यांनी केंद्र सरकारच्या वतीने घेण्यात येणाऱ्या राष्ट्रीय आर्थिक दुर्बल घटक शिष्यवृत्ती परीक्षेत अभूतपूर्व यश संपादन केले असून राष्ट्रीय शिष्यवृत्ती परीक्षेत सार्थक कावळे, अस्मिता ढोले, श्वेता लाड, आर्यन भालेकर, निखील बढे, युवराज शिंदे, ख़ुशी भुजबळ, ईशान काळे या विद्यार्थ्यांनी यश मिळवले.

सर्व विद्यार्थ्यांना 5 वर्षे प्रत्येक 12 हजार रुपये शिष्यवृत्ती मिळणार आहे, तर सारथी शिष्यवृत्ती परीक्षेत ज्ञानदेव खैरे, वैष्णवी शिंदे, तन्मय रामगुडे, आर्या ढमढेरे, संस्कृती जाधव, श्रेया ढमढेरे, अक्षरा भोसले, मंजुश्री आढाव, हर्षवर्धन ढमढेरे, श्रावणी गायकवाड, श्लोक जगताप, अंतरा पठारे, प्राजक्ता कोंडे, अविष्कार गावडे या विद्यार्थांनी यश मिळवले.

सर्व विद्यार्थ्यांना अलका सातपुते, रवींद्र सातपुते, सुरेंद्र ठुबे, अर्चना गोरे या शिक्षकांनी मार्गदर्शन केले तर सर्व विद्यार्थी व मार्गदर्शक शिक्षकांचे मुख्याध्यापिका सुवर्णा चव्हाण, उपमुख्याध्यापिका सुनिता पिंगळे, पर्यवेक्षक मोहन ओमासे, शिक्षण प्रसारक मंडळाचे अध्यक्ष कौस्तुभकुमार गुजर, मानद सचिव अरविंद ढमढेरे, उपाध्यक्ष श्रीकांतसातपुते, संचालक विजय ढमढेरे, महेश ढमढेरे यांसह आदींनी अभिनंदन केले आहे.