शिरुर तालुक्यात महिलेचे अश्लील चित्रीकरण करत विनयभंग

शिक्रापूर (शेरखान शेख): शिक्रापूर (ता. शिरुर) येथील एका महिलेचे अश्लील चित्रीकरण करत महिलेला सदर व्यक्ती सोबत राहण्यासाठी धमकी दिल्याची घटना घडली असल्याने शिक्रापूर पोलीस स्टेशन येथे धनराज मधुकर डोंगरे याच्या विरुद्ध गुन्हे दाखल करत त्याला अटक केली आहे.

शिक्रापूर (ता. शिरुर) येथील मलठण फाटा परिसरात राहणाऱ्या महिलेची ओळख धनराज डोंगरे याच्या सोबत झालेली होती. त्यानंतर महिला घरी असताना धनराज याने महिलेचे अश्लील चित्रीकरण केले. त्यानंतर महिलेला त्याच्या सोबत राहण्यासाठी दमदाटी करत महिलेला तिचे अश्लील चित्रीकरण दाखवले. तसेच सदर अश्लील चित्रीकरण नातेवाईकांना प्रसारित करण्याची धमकी देऊ लागला. त्यानंतर महिलेने त्याचा मोबाईल पाण्यात टाकून दिला.

याबाबत सदर महिलेने शिक्रापूर पोलीस स्टेशन येथे फिर्याद दिली अल्स्याने शिक्रापूर पोलिसांनी धनराज मधुकर डोंगरे (वय ३०) रा. चारदरी ता. धारुर जि. बीड याचे विरुद्ध गुन्हे दाखल करत त्याला अटक केली असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार गणेश करपे हे करत आहे.