दिलीप थोरात यांची चेअरमन तर विश्वनाथ कारकूड यांची व्हाईस चेअरमनपदी निवड!

वाघाळेः वाघाळे विविध विकास कार्यकारी सेवा सोसायटी चेअरमन पदी दिलीप मच्छिंद्र थोरात तर व्हाईस चेअरमनपदी विश्वनाथ कारकूड यांची बिनविरोध निवड झाली आहे.

वाघाळे येथे आज (गुरुवार) सोसायटी चेअरमन व व्हाईस चेअरमन पदासाठी निवडणूक घेण्यात आली. चेअरमन बबनराव भोसले व व्हाईस चेअरमन बाळू थोरात यांनी इतरांना संधी मिळावी या हेतूने आपापल्या पदांचे राजीनामे दिले होते. आज अध्यक्ष पदासाठी दिलीप थोरात तर उपाध्यक्ष पदासाठी विश्वनाथ कारकूड यांचेच एकमेव अर्ज आले होते. त्यामुळे या दोघांनाही बिनविरोध म्हणून घोषित करण्यात आले. निवडणूक निर्णय अधिकारी म्हणून सहाय्यक निबंधक पुंड यांनी काम पाहिले.

नवनिर्वाचित अध्यक्ष व उपाध्यक्ष यांचा सोसायटीच्या वतीने सत्कार करण्यात आला. कार्यक्रमासाठी माजी सरपंच तुकाराम भोसले, उपसरपंच दादासाहेब सोनवणे, सुरेश थोरात, लहू थोरात, बबन शेळके, पांडूरंग घोलप, दत्तात्रय गायकवाड, दादाभाऊ कारकूड, किसन गोरडे, देवराम थोरात, आनंदराव थोरात, अशोक सोनवणे, एकनाथ डफळ आदी मान्यवर उपस्थित होते. कार्यक्रमाचे सुत्रसंचालन सुर्यकांत बढे (गुरुजी) यांनी केले तर आभार विश्वास शेळके यांनी मानले.