शिक्रापूर (शेरखान शेख): शिक्रापूर (ता. शिरूर) येथील बजरंगवाडी येथे एका हॉटेल चालकाच्या घरात प्रवेश करत मोबाईल, रोख रक्कम सह दुचाकी चोरी केल्याची घटना घडली असून सदर प्रकार सीसीटिव्ही मध्ये कैद झाला असल्याने शिक्रापूर पोलीस स्टेशन येथे 2 अज्ञात चोरट्यांवर गुन्हा दाखल करण्यात आला आहे.
शिक्रापूर (ता. शिरूर) येथील बजरंगवाडी येथे सोमनाथ ढमढेरे यांचे श्रीराम मिसळ हॉटेल असून त्यांचे घर व हॉटेल मध्ये एकच खिडकी आहे. रात्री ढमढेरे हे घरात झोपलेले होते. सकाळच्या सुमारास उठल्यानंतर त्यांनी त्यांचा मोबाईल व 30 हजार रुपये असलेले पाकीट पाहिले असता त्यांना मोबाईल व पाकीट दिसले नाही. त्यावेळी ते बाहेर आले असताना घराबाहेर लावलेली एम एच १२ एन के ७७३० ही दुचाकी देखील नसल्याचे त्यांना दिसले.
त्यामुळे त्यांनी हॉटेल व घराला लावलेले CCTV तपासले असता रात्रीच्या सुमारास दोन अज्ञात चोरट्यांनी घरात येत घरातून 30 हजार रुपये असलेले पाकीट व मोबाईल तसेच एम एच १२ एन के ७७३० ही दुचाकी चोरून नेल्याचे निदर्शनास आले.
याबाबत सोमनाथ काकासाहेब ढमढेरे (वय ४६) रा. बजरंगवाडी (ता. शिरूर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी 2 अज्ञात चोरट्यांवर गुन्हे दाखल केले असून सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलिस हवालदार मंगेश लांडगे हे करत आहे.
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…
शिरूर (तेजस फडके) : शिरुर तालुक्यात दुष्काळाच्या झळांनी शेतकरी होरपळत असताना घोड धरणातील पाणीसाठा टिकविण्याच्या…
शिरुर (तेजस फडके): शिरुर तालुक्यात एकीकडे दुष्काळात शेतकरी होरपळत असताना दुसरीकडे विजेच्या तारांच्या शॉर्टसर्किट मुळे…